Drejtori i përgjithshëm i Korporatës Kineze të Telekomunikacionit, Vang Xiaoçu tha: "Korporata jonë, si një korporatë kyç e pronës shtetërore, e ka për detyrë të ruajë dhe të rritë vlerën e kapitaleve shtetërore dhe të krijojë efektivitetin më të madh ekonomik. Për të arritur këtë objektiv, ne duhet medoemos të krijojmë të rejat. Realizimi i transformimit të ndërmarrjeve është alternativa e pashmangshme që ka zgjedhur korporata jonë për t'iu përgjigjur gjendjes së përgjithshme të zhvillimit të telekomunikacionit në botë, për të vënë në jetë konceptet shkencore mbi zhvillimin dhe për të ruajtur lulëzimin e biznesit tonë."

Korporata Kineze e Telekomunikacionit, që u formua pas rigrupimit në vitin 2002, i përmbahet parimit të "vënies së interesave të konsumatorëve në plan të parë dhe të shërbimeve të kujdesshme" dhe ka korrur tashmë suksese të kënaqshme me anën e thellimit të reformës, të shpejtimit të zhvillimit, të forcimit të administrimit dhe të përmirësimit të shërbimeve. Deri në fund të vitit 2004, numrat e telefonit në Kinë arritën në 206 milionë dhe numri i konsumatorëve të internetit të bandës së gjerë arriti në 18 milionë e 30 mijë. Krahas realizimit të zhvillimit të vazhdueshëm të ndërmarrjes dhe të rritjes së vlerës së kapitaleve shtetërore, Korporata Kineze e Telekomunikacionit ka dhënë një kontribut të madh edhe në nxitjen e zhvillimit ekonomik dhe progresit shoqëror dhe në ngritjen e nivelit të jetesës së popullit.

Me hedhjen e aksioneve në tregun ndërkombëtar të kapitaleve, sektorët kinezë të telekomunikacionit kanë marrë përvojë të përparuar nga vende të tjera, si rezultat, u rrit dukshëm efektiviteti ekonomik, u rritën potenciali kompleks dhe kapaciteti konkurrues në këtë fushë dhe Korporata Kineze e Telekomunikacionit u përfshi disa vjet me radhë ndër "500 ndërmarrjet më të fuqishme në botë ".

Në kohën kur ndërmarrjet e telefonit fiks në shkallë globale kanë rënë në një gjendje të vështirë të rrritjes së vëllimit të punës dhe të mosshtimit të të ardhurave, Korporata Kineze e Telekomunikacionit mori vendimin e rëndësishëm strategjik për realizimin e transformimit të ndërmarrjeve dhe përcaktoi objektivin, detyrat dhe orarin e transformimit, duke synuar për rritjen e rundit të ri nëpërmjet transformimit.

Gjatë "punimeve për informacionizimin e ndërmarrjeve të mesme dhe të vogla", që filluan kohët e fundit me iniciativën e Komisionit Shtetëror të Zhvillimit dhe Reformës dhe të Ministrisë së Industrisë së Informacioneve të Kinës, Korporata Kineze e Telekomunikacionit si anëtare thembësore, së bashku me ndërmarrjen e njohur, kompaninë I T, formuan "Aleancën për informacionizimin e ndërmarrjeve të mesme dhe të vogla", në të cilën Korporata Kineze e Telekomunikacionit përgjigjet për organizimin dhe administrimin e shërbimeve, në mënyrë që të ngrihet niveli i informacionizimit të ndërmarrjeve të mesme dhe të vogla dhe të rritet aftësia e tyre konkurruese.

Drejtori i përgjithshëm i Korporatës Kineze të Telekomunikacionit, Vang Xiaoçu tha se "Realizimi i rregullimit të strukturës së ndërmarrjeve është qëllimi dhe objektivi i transformimit të punës së telekomunikacionit kinez." Ai tha se kemi qëllim që, nëpërmjet rregullimit të strukturës së rrjetit dhe të strukturës së shërbimeve, struktura e të ardhurave të bëhet më racionale, domethënë, në kushtet e shtimit të vazhdueshëm të të ardhurave nga telefoni fiks, do të bëjmë përpjekje që, shërbimet e internetit të bandës së gjerë dhe shërbimet e tjera të telekomunikaciont jozanor të bëhen kanalet kryesore të shtimit të të ardhurave.

Vang Xiaoçu është i mendimit se transformimi i ndërmarrjeve është vetërregullimi për t'iu përgjigjur zhvillimit të ekonomisë, përparimit teknik dhe ndryshimit të tregut. Qëllimi ynë ëhtë që të synojmë për sfera të reja të rritjes së vlerës dhe për hapësira të reja të tregut. Siç duket, për realizimin e transformimit, na duhen 5 ose 6 vjet. Në dy a tre vjetët e ardhshëm, shërbimet e bandës së gjerë dhe shërbimet e tjera të rritjes së vlerës do të jenë dy pika kyç të zhvillimit të telekomunikacionit kinez.

Tani, Korporata Kineze e Telekomunikacionit po bën përpjkje për ngritjen e mëtejshmne të cilësisë së shërbimeve të internetit të bandës së gjerë, për shpejtimin e lidhjes me internetin dhe për pakësimin e rëniës së linjës, në mënyrë që konsumatorët të njohin më mirë bandën e gjerë. Në fushën e shërbimeve të rritjes së vlerës, do të shtohen edhe shërbime të tjera që do t'u sjellin konsumatorëve më shumë leverdi dhe lehtësira.(Zheng)