Incizimi që po dëgjoni është recetimi kolektiv nga nxënësit tajvanezë të librit të njohur klasik kinez: "Mbi ritet". Në këtë incizim janë përshkrimet e ideologut të njohur kinez para dy mijë vjetëve Konfucit për një shoqëri ideale.

Për një kohë të gjatë banorët tajvanezë ashtu si banorët e pjesës kontinentale kanë marrë një edukatë të kulturës tradicionale kineze. Edhe në kohën e sotme, pasi janë adoptuar modelet dhe përmbajtjet e arsimit perëndimor, përmbajtjet e kulturës tradicionale të kombit kinez ende zënë një përqindje relativisht të madhe në arsimin e shkollës dhe janë respektuar prej tyre. Deri më sot, banorët e dy brigjeve përdorin të njëjtin shkrim dhe të njëjtën gjuhë. Njëkohësisht banorët e Tajvanit kanë ruajtur edhe shumë zakone kulturore dhe jetësore të njëllojta me ato të pjesës kontinentale.

I moshuari 81 vjeçar Zhu Fulai, që në kohën e rinisë ka ardhur nga Tajvani në qytetin Xiamen të provincës Fujian të pjesës kontinentale, ku u martua dhe nuk u kthye më në Tajvan. Duke folur për zakonet e banorëve të dy brigjeve të ngushticës, zoti Zhu Fulai përmendi zakonet për kalimin e Festës së Pranverës në Tajvan. Festa e Pranverës është festa më e rëndësishme e kombit kinez. Në kuadrin e kësaj feste çdo familje ha "Niangao", një lloj ëmbëlsire prej orizi mushtullor. Ai kujton:

"Kur isha i vogël, për të festuar Festën e Pranverës, mamaja përgatiste mjellin prej orizi mushtullor, që të avullohej 'Niangao'. Banorët e të dy brigjeve të ngushticës kanë pothuajse të njëjtin zakon festiv. Këtu kemi këto zakone, edhe andej, banorët e përtej ngushticës, kanë po këto zakone."

Festa është një pjesë e rëndësishme përbërëse e kulturës tradicionale kineze. Festat tradicionale që festojnë banorët e Tajvanit janë njësoj si ato të pjesës kontinentale dhe me zakone të njëllojta. Si për shembull për Festën e Pranverës, zakonisht bëhet lutja para paraardhësve dhe në natën e vigjiljes e gjithë familja mblidhet së bashku për të ngrënë darkën e bashkimit të vigjiljes dhe rrinë zgjuar deri në ditën e parë të Vitit të Ri sipas kalendarit bujqësor kinez. Në festën e fenerëve në ditën e 15-të të muajit të parë sipas kalendarit bujqësor kinez organizohet mbrëmja me fenerë të ndezur. Në festën "Qingming" bëhet lutja para varrit të të afërmeve të vdekur. Në festën "Duanëu" e gjithë familja ha "Zongzi" prej orizi mushtullor. Në festën e hënës e gjithë familja bashkohet për të soditur hënën, duke ngrënë kekun e hënës, që është një lloj ëmbëlsire dhe që simbolizon bashkimin e familjes.

Të dashur lexues, para se të përfundojë kjo pjesë e konkursit, ju paraqesim një pyetje:

Përmendni tre emra të festave tradicionale të përbashkëta të pjesës kontinentale të Kinës dhe të Tajvanit.

Të dashur lexues, deri këtu ju treguam për kulturën, për doket e zakonet e njëllojta të kombit kinez, si dhe për festat e njëllojta të banorëve në të dy brigjet e ngushticës së Tajvanit. ( Daming )