Dëgjoni

Të dashur lexues, kënga që po dëgjoni është një këngë irlandeze e titulluar "Trëndafili i fundit në verë". Kjo është një këngë që zgjidhet shpesh nga soprano të njohura botërore për t'u interpretuar në skenë. Guo Shuxheni e këndon këtë këngë plot me ndjenja, duke zotëruar saktësisht mjeshtrinë që duhet gjatë këndimit të kësaj kënge.

Guo Shuxheni lindi Në vitin 1927 në një familje punëtore të qytetit Tian Jin të Kinës veriore. Në vitin 1949, pas shpalljes së Republikës Popullore të Kinës, studimi i muzikës vokale rifilloi dhe pati zhvillim të mëtejshëm. Në vitin 1953, pas konkursit, Guo Shuxhen u zgjodh të jetë një anëtare e grupit të parë të studentëve kinezë që studiojnë muzikë jashtë vendit pas krijimit të Kinës së re. Bashkë me studentë të tjerë, Guo Shuxheni vazhdoi studimet në degën e Muzikës Vokale të Konservatorit Shtetëror "Çajkovski" të Moskës. Gjatë studimit 5 vjeçar të atjeshëm, Guo Shuxheni pati rast të marrë arsim artistik të nivelit më të lartë botëror dhe hodhi një bazë të shëndoshë për karrierën e saj artistike.

Më poshtë, le të shijojmë këngën ruse "Jargavani" të kënduar nga Guo Shuxhen. Në këtë këngë përshkruhet një pamje e bukur në mëngjes, kur jargavani çel me aromë të freskët.

Dëgjoni

Të dashur lexues, sapo dëgjuat këngën ruse "Jargavani" të kënduar nga Guo Shuxhen. Në vitin 1959, Guo Shuxhen filloi të japë mësim në Konservatorin Qendror të Kinës. Gjatë këtyre viteve, ajo ka dhënë shfaqje dhe ka bërë vizita në dhjetëra vende evropiane, aziatike e amerikane. Gjatë praktikës shumëvjeçare artistike, Guo Shuxhen ka formuar tipin e vet të këndimit. Me diapazon të gjerë dhe zë të bukur, ajo mund të përdorë mjeshtëri të lartë në kontrollin e zërit. Nga ana tjetër, Guo mund të përziejë ndjenjat e veta në këndimin e veprave, duke luajtur si duhet rolin e personazhit të operës.

Në fund të programit të sotëm, ju ftojmë të shijoni arien "Lamtumirë " nga opera japoneze "Yuzuru"---"Lejleku" të kënduar nga Guo Shuxhen në gjuhën japoneze. Në këtë operë shtjellohet një tregim i tillë: Një fshtar i varfër shpëton një mjellmë dhe mjellma shndërrohet në një bukuroshe dhe martohet me këtë fshatar mirëdashës. Natën, ajo punon puplat e veta në vegjë për ta ndihmuar burrin që të fitojë para. Mirëpo, një ditë fshatar shkel fjalën e dhënë, dhe e sheh fshehtas gruan kur ajo punon puplat. Për këtë arsye, mjellma detyrohet të ndahet me burrin sepse ai zbulon më në fund se gruaja e tij është një mjellmë. Këndimi i Guo Shuxhenit tregon plotësisht hidhërimin e çiftit kur ata duhet të ndahen nga njëri tjetri.

Tani, le të shijojmë së bashku këtë arie. Dëgjoni  (Çan Yean)