dëgjoni

Kohët e fundit Komiteti i dokumentarëve pranë Shoqatës së Radio-Televizionit të Kinës organizoi në hotelin Nuoya të Pekinit simpoziumin ndërkombëtar të dokumentarëve të vitit 2005.

Të gjithë e dinë se filmat dokumentarë janë një pjesë përbërëse e kinematografisë dhe e filmave televizivë. Skenaristët dhe regjisorët e dokumentarëve kanë xhiruar një numër filmash dokumentarë me karakteristika kineze si " Marshimi i madh ", " Çlirimi", "Lufta e rezistencës kundër pushtuesve japonezë " që pasqyrojnë ngjarjet e rëndësishme historike dhe një numër filmash dokumentarë që pasqyrojnë jetën e të mëdhenjve si "Mao Cedun", "Çu Enlai", "Ten Siaopin" etj. Këta filma dokumentarë kanë ngjallë jehonë të madhe në gjirin e spektatorëve. Por si i xhirojnë dhe redaktojnë filmat dokumentarë në vende të tjera, skenaristët dhe redaktorët kinezë nuk kanë njohje të plota në këtë drejtim. Nga filmi dokumentar që pasqyron rrugën e zhvillimit 60 vjeçar të Partisë Komuniste Franceze me titull : " O shokë, kjo ishte Partia e dikurshme Komuniste Franceze ", skenaristët dhe regjisorët kinezë filluan të njohin atë histori të jashtëzakonshme të Partisë Komuniste Franceze.

Në intervistën me korrespondenten e Radios së Jashtme të Kinës, organizatorja e këtij simpoziumi Liu Li tha:" Organizimi i simpoziumit ndërkombëtar të dokumentarëve ka për qëllim njohjen e prirjes së re të filmave dokumentarë botërorë, zotërimin e mjeshtrive dhe metodave të reja në xhirimin e filmave dokumentarë, në mënyrë që edhe filmat dokumentarë kinezë të kenë mundësi të marrin pjesë në festivalet ndërkombëtare të organizuara në vende të tjera. "

Ajo na tregoi se në këtë simpozium u shfaqën l7 filma dokumentarë të disa vendeve të huaja dhe të Kinës si filmi dokumentar francez " Tregoni miqtë e mi se unë u largova nga jeta ", ku shtjellohet gjithë procesi i varrimit karakteristik në perëndim të Gjorgjisë, filmi dokumentar brazilian "Krokodili dhe pula e vogël ", ku tregohet dashuria dhe martesa e një plaku me të meta fizike me një vajzë të re kongoleze etj.

"Ndër ta ishte edhe filmi shqiptar me metrazh të shkurtër 'Edeni i Braktisur' që ishte shumë i bukur dhe ka tërhequr shumë vëmendjen e pjesëmarrësve të simpoziumit." Kështu i tha Liu Li korrespondentes. "Edeni i braktisur" shfrytëzon zhurmat e heshtjes së atyre pak të mbeturve në fshat, një dorë pleqsh, të cilëve një ditë të bukur një i panjohur u sjell një foshnjë. Të gjithë mendojnë vetëm për të. E pagëzojnë sipas riteve të lashta, gjuha poetike e të cilave është tepër e ngjeshur. Uji dhe guri, dy elemente të kudondodhura të natyrës që një njeri duhet t'i ketë me vete nga toka e tij, qysh në lindje. Pagëzimi i foshnjës në një enë pagëzimi me një kryq të madh gdhendur në të, ka tërhequr vëmendjen për një nga degët e besimit që kanë shqiptarët e Shqipërisë. Disa thonë se ky është një film që bën propagandë me natyrën dhe bukurinë e një vendi. Madje disa prej tyre mund të mendojnë se është një vend i bukur për të blerë edhe një shtëpi atje".

Në simpozium u shfaqën edhe filmi dokumentar gjerman "Pathosi i Martinit", filmi dokumentar australian " Djaloshi i vetmuar Richard", filmi dokumentar anglez "Dhelpër i vogël dinak ", filmi dokumentar i Danimarkës "Çasti historik ", filmi dokumentar holandez " 4 Keizers dhe një bilbil " etj.

Përveç filmave të shquar dokumentarë të vendeve të tjera, u shfaqën edhe filmat dokumentarë kinezë, ndër ta janë " Varkëtarët " që pasqyron shpërnguljen e banorëve në brigjet e ngushticës Sanxia të lumit Jance, " Tri motra në fshatin Gjindi" që pasqyron jetën reale të fshatareve pas ikjes së burrave të tyre për të punuar jashtë fshatit etj.

Tema dhe përmbajtja e filmave dokumentarë të shfaqur në këtë simpozium janë shumë të pasura dhe kanë tërhequr shumë pjesëmarrës të simpoziumit.

Zonja Liu Li tha: se në këtë simpozium morën pjesë më se 100 skenaristë, regjisorë dhe profesionistë të filmave dokumentarë të dhjetra televizioneve të krahinave të ndryshme të mbarë Kinës.

Ata thanë se këta filma të bukura të huaj dhe kinezë na kanë hapur horizontin e krijimtarisë dokumentare dhe prej tyre ata kanë mësuar shumë gjëra.

Organizatorët e simpoziumit u dhanë të pranishmëve edhe disqe me aspekte nga këta filma dokumentarë, gjë që do ti ndihmojë ata në krijimtarinë e ardhshme të filmave dokumentarë.(Zhai)