Dëgjoni

Kënga që po dëgjoni titullohet Paloma, e cila është kënduar nga Guo Shuxhen. Në shekullin e 19-të, kompozitori spanjoll, Iradier e kompozoi këtë këngë në Kubë. Kjo këngë është popullarizuar gjerësisht në vende të ndryshme të botës. Ndërsa më interesantja është që popujt e Kubës, të Spanjës dhe të Meksikës e konsiderojnë këtë vepër si një këngë popullore të vendit të vet. Në këtë këngë përshkruhet çasti kur dy të dashuruarit i japin lamtumirën njëri tjetrit. Guo Shuxheni e këndon këngën përkatësisht në gjuhën kineze dhe gjuhën spanjolle.

Guo Shuxhen është një këngëtare dhe arsimtare e njohur kineze në fushën e mësimdhënies operistike. Si një këngëtare e shquar që mund të këndojë opera në shumë gjuhë të huaja, qysh nga vitet 50 deri në vitet 90, Guo Shuxhen shpesh ka dhënë shfaqje brenda e jashtë vendit. Megjithëse tani Guo është 78 vjeçe, ajo ende jep mësim në Konservatorin Qendror të Kinës, duke luajtur rolin e saj si një arsimtare me përvojë të pasur. Tani, ju ftojmë të shijoni këngën "Krahët e Fluturës", një këngë popullore e Venezuelës, të kënduar nga Guo Shuxhen.

Dëgjoni

Të dashur lexues, sapo dëgjuat melodinë venezueliane "Krahët e Fluturit".

Në vitin 1958, Guo Shuxhen u diplomua me rezultate të shkëlqyera në Konservatorin Shtetëror "Çajkovski" i Moskës. Gjatë studimeve të saj në Rusi, ajo mori pjesë në shumë shfaqje të mëdha artistike. Në vitin 1957, ajo fitoi medaljen e artë në konkursin e të kënduarit të Festivalit të 6-të Botëror të Rinisë. Pas diplomimit, në operën e Çajkovskit, "Eugjen Oniegin", Guo Shuxhen luajti me sukses të madh personazhin kryesor, Tatjanën. Loja e saj ka pasur jehonë shumë të madhe në qarqet e atëhershme artistike të ish-Bashkimit Sovietik dhe emri i saj u gdhend në listën e artë të konservatorit të Moskës.

Në fund të programit të sotëm muzikor, ju ftojmë të dëgjoni një aria nga opera "Eugjen Oniegin", të kënduar nga Guo Shuxhen në gjuhën ruse. Me mjeshtri të lartë dhe përvojë të pasur, Guo Shuxheni e këndoi këtë aria në mënyrë të përsosur, duke shprehur dëshirën e këtij personazhi për dashurinë romantike. Ndiqeni!

Dëgjoni

Të dashur lexues, në programin e sotëm, ju folëm për këngëtaren e njohur kineze Guo Shuxhen dhe disa vepra të kënduara nga ajo në gjuhë të ndryshme. Në programin e ardhshëm, do të vazhdojmë t'ju tregojmë më shumë për këtë këngëtare dhe veprat përfaqësuese të saj. (Çan Yean)