dëgjoni

29 gushti i këtij viti është 10-vjetori i shpalljes së Ligjit të Sportit të Republikës Popullore të Kinës.

Ligji i Sportit është ligj i parë themeltar i sektorit sportiv pas shpalljes së Kinës së re. Në këtë ligj sqarohen detyrat dhe detyrimet e qeverisë dhe të sektorit administrativ të sportit për zhvillimin e çështjes sportive si dhe edhe të drejtat e shtetasve në pjesëmarrjen në aktivitetet sportive. Në këtë ligj përcaktohet: "Shteti zhvillon çështjen sportive dhe organizon aktivitete sportive masive", "Punët sportive duhet të mëshojnë në bazat e stërvitjeve gjimnastikore masive".

Zoti Yu Shanxu është këshilltar në Akademinë e Drejtësisë në Kinë dhe profesor në Institutin e Edukimit Fizik të Tianjinit. Ai ka marrë pjesë në projektimin dhe hartimin e Ligjit të Sportit. Duke folur për motivacionin e hartimit të këtij ligji, z. Yu tha:

"Një nga thelbet kryesore e sistemit ligjor është mbrojtja e të drejtave të shtetasve të gjerë. Mbrojtja e të drejtave duhet të mbështetet te baza të forta ligjore. Hartimi i Ligjit Sportiv u dha kinezëve bazën ligjore për zhvillimin e aktiviteteve sportive si dhe garancinë për mbrojtjen e veprimeve sportive."

Me vënien në zbatim të Ligjit Sportiv, si ligji themelor i sektorëve sportivë, Kina ka shpejtuar hapat e legjislacionit në fushën sportive dhe nga shkurti 2002 deri në janarin 2004, ka publikuar me radhë disa rregullore përkatëse në bazë të Ligjit Sportiv, si Rregullorja e Mbrojtjes së Shenjave Olimpike, Rregullorja e Instalimeve Kulturore e Sportive Publike, Rregullorja kundër Dopingut, etj. U shtua edhe numri i rregulloreve lokale për sportin.

Forcimi i legjislacionit për sportin është kërkesë e zhvillimit të çështjes sportive të Kinës dhe gjithashtu kërkesë objektive e përparimit shoqëror. Njëkohësisht këto rregullore kanë zgjidhur shumë probleme të reja. P.sh. me zhvillimin ekonomik, tokat në qytete janë bërë shtrenjta. Prandaj, vitet e fundit është dukur fenomeni që sheshet sportive publike u shndërruan pa miratim administrativ në tregje ose trojë ndërtimi. Pas vënies në zbatim të Rregullores së Instalimeve Kulturore e Sportive Publike në gusht të vitit 2003, ky fenomen ndalohet me ligj.

Në korrik të vitit 2001, Komiteti Ndërkombëtar Olimpik i autorizoi Pekinit të drejtën e organizimit të Lojërave Olimpike 2008. Në shkurt të vitit tjetër, Këshilli i Shtetit i Kinës publikoi Rregulloren e Mbrojtjes së Shenjave Olimpike, me qëllim që të mbrohen shenjat olimpike si dhe të drejtat përkatëse në mënyrë ligjore. Profesor Yu tha:

"Sfondi i publikimit të Rregullores së Mbrojtjes së Shenjave Olimpike ishte faktor suksesi në kërkesën e Pekinit për organizimin e Lojërave Olimpike. Në raportin e kërkesës, Pekini premtoi solemnisht se do të marrë masa efikase për mbrojtjen e të drejtave e të interesave të Olimpiadës. Por në një vështrim më të thellë, kjo gjë është mishërimi i asaj që Kina i kushton rëndësi mbrojtjes së të drejtave të pronësisë intelektuale pas hyrjes së saj në OBT."

Në vitin 2004, Këshilli i Shtetit i Kinës shpalli Rregulloren kundër Dopingut, duke u bërë një nga pak vende në botë që hartuan një ligj posaçërisht për problemin e dopingut.

Profesori Yu tha se me përpjekje 10 vjeçare Kina ka arritur përparime të mëdha në legjislacionin në sport. Por me zhvillimin e shpejtë të shoqërisë dhe të çështjes e sportit të Kinës, Kina do të ketë edhe më shumë për të bërë në këtë fushë.(Wang Lei)