Simboli i lindjes së futbollit modern është formimi i Federatës së Futbollit të Anglisë në vitin 1863, megjithatë në vende të tjera kishte formuar një sport të ngjashëm. Futbolli jo vetëm i bën mirë shëndetit të njeriut, por edhe ia forcon vullnetin dhe shpirtin e bashkëpunit. Për shkak që gjatë Lojërave Antike Olimpike kishte vetëm sporte individuale, lidhur me pranimin e këtij sporti ekipor u zhvilluan bisedime të shumta në Komitetin Olimpik Ndërkombëtar. Dhe në fund, në saje të reformës në Komitetin Olimpik Ndërkombëtar për pranimin e sporteve në ekip në Lojërat Olimpike, futbolli u përcaktua zyrtarisht si një sport olimpik në vitin 1900, kur u organizuan në Paris Lojërat e 2-ta Olimpike.

Në Lojërat Olimpike të Parisit, në sportin e futbollit morën pjesë vetëm 3 ekipe, të cilat ishin ekipi anglez, ekipi francez dhe ekipi belg. Pas 2 ndeshjeve, anglezët fituan titullin e parë kampion olimpik në futboll. Më vonë deri në vitin 1928, futbolli olimpik hyri në një fazë të artë dhe krijoi një bazë të fortë për zhvillimin e Kupës Botërore të Futbollit. Për shkak se lojtarët që morën pjesë në ndeshjet e futbollit të Olimpiadës ishin amatorë, pas vitit 1930, kur u organizua Botërori i parë i futbollit në Uruguaj, ndeshjet olimpike të futbollit nuk patën ndikim aq të madh. Por me zhvillimin e Lojërave Olimpike, ndeshjet olimpike të futbollit kanë tërhequr vëmendjen e shumë tifozëve në të gjithë botën, ndërsa në vitin 1996, kur Lojërat u zhvilluan në Atlanta të Amerikës, futbolli për femra u përcaktua si sport zyrtar olimpik dhe finalja e ndeshjeve të futbollit për femra tërhoqi 76 mijë shikues, duke krijuar një rekord të ri botëror. (Jiang Lei)