Shumë sporte olimpike bazohen në jetën e njerëzve të lashtë, si vrapim, kërcimi, qitja, etj. Ndër sportet e ndryshme olimpike, ka një që është paraqitja e jetës reale dhe ky është pesëgarëshi modern.

Lidhur me lindjen e këtij sporti, duhet të kthehemi pas në një legjendë heronjsh. Në shekullin e 19-të gjatë luftës midis Gjermanisë dhe Francës, një oficer i ri i kalorësisë franceze ishte ngarkuar të çonte një mesazh hipur në kalë. Ai kapërceu shumë pengesa e rreziqe dhe kur kaloi nëpër pozicionet e armikut, u ndesh me një ushtar armik me shpatë. Oficeri francez fitoi në dyluftim. Por kali i tij u vra nga një ushtar tjetër armik. Pasi e vrau ushtarin me një top, oficeri francez vraponte vazhdimisht përpara, pasi kaloi një lumë të frikshëm, ai luftoi me armiqtë që e ndiqnin këmba-këmbës, por për fat të mirë, ky oficer i ri e përfundoi detyrën e tij me sukses, ai e çoi mesazhin në vend. Këtu e ka prejardhjen pesëgarëshi modern.

Në fakt, pesëgarëshi është krijuar nga themeluesi i Lojërave Olimpike Moderne Pierre de Coubertin, në bazë të gojëdhënës së këtij oficeri të ri francez dhe u bë garë zyrtare në Lojërat Olimpike të vitit 1912 në Stokholm. Por pesëgarëshi modern ndryshon krejtësisht nga pesëgarëshi i lashtë i Spartanëve. Ai përfshin qitjen, skermën, notin, hipizmin dhe vrapimin. Nëpërmjet këtyre 5 garave provohet qëndresa dhe aftësia e përgjithshme e sportistëve. (Jiang Lei)