dëgjoni

Korrespondenti i Agjencisë Kineze të Lajmeve Hsinhua mësoi ditët e fundit nga Universiteti Qinhua, Universiteti Tekniko-Shkencor, Konservatori Qendror, Universiteti i Drejtësisë i Kinës dhe Universiteti i Komunikacionit i Pekinit se vitet e fundit, shkollat e larta të mbarë vendit, duke u mbështetur në kushtet konkrete të shkollës së tyre të lartë, po përmirësojnë vazhdimisht sistemin e ndihmës në studentët me vështirësi ekonomike si dhënien e kredive shtetërore në ndihmë të studentëve, dhënien e bursave dhe parave të përkohshme si dhe pakësimin e pagesave për studim në mënyrë që të ndihmojnë studentët nga familjet e varfra të realizojnë me sukses studimet në shkollat e larta.

Dhënia e kredisë shtetërore në ndihmë të studentëve është mjeti kryesor i ndihmës për studentët e varfër. Universiteti Tekniko-Shkencor i Pekinit dhe shumë shkolla të larta i kanë thjeshtësuar procedurat për dhënien e kredive shtetërore. Deri në fund të vitit të kaluar, në Universitetin Tekniko-Shkencor të Pekinit 1367 studentë morën kredi shtetërore për studim me një vlerë prej 21 milionë e 730 mijë yuanësh. Në Universitetin e Komunikacionit të Pekinit, 2527 studentë kanë nënshkruar kontrata kredish me Bankën e Kinës dhe morën gjithsej 36 milionë e 500 mijë yuanë kredi.

Edhe punësimi i studentëve është një mjet për vetëfinancimin e tyre. Në vitin 2004, Universiteti Qinhua i ndihmoi studentët të merrnin pjesë në 2480 punë. Në Universitetin Tekniko-Shkencor të Pekinit u siguruan vende pune për 600 studentë në vështirësi ekonomike. Universiteti i Drejtësisë u jep çdo vit mundesi për punë më se 1500 studentëve në vështirësi ekonomike. Nga këto mundësi për punë, studentët mund të përfitojnë 200 yuanë në muaj.

Shkollat e larta të Kinës i ndihmojnë studentët në vështirësi ekonomike edhe nëpërmjet ngritjes së bursave dhe shtimit të përqindjes së studentëve me bursa si dhe dhënies së ndihmës në para. Universiteti Tekniko-Shkencor i Pekinit u jep studentëve që shkojnë vullnetarisht për shërbime në pjesën perëndimore të Kinës dhe që marrin pjesë në grupet e shërbimeve në bazë 2000 deri në 3000 yuanë ndihmë në vit, kurse aspirantëve që shkojnë për mësimdhënie ne krahinat e ndryshme 400 yuanë ndihmë në muaj. Bursa më e lartë e Universitetit Qinhua arrin deri në 5000 yuanë. Studentët e shquar mund të fitojnë 8000 yuanë bursë.
Në vitin 2004, në Universitetin e Komunikacionit l96 studentë në vështirësi ekonomike fituan bursat nga shteti, shuma e të cilave marrin në 870 mijë yuanë. ( Zhai)