Të dashur lexues, ju përshëndes përsëri në programin tonë muzikor. Kohët e fundit, kori i muzikës kombëtare "Qing Mei Jing Yue" zhvilloi në Pekin një koncert që është mirëpritur gjerësisht nga qarqet muzikore. Në programin e sotëm, do t'ju paraqes disa pjesë live të këtij koncerti. ?(??)

Orkestra e muzikës kombëtare "Qing Mei Jing Yue" u krijua në vitin 1996. Ajo përbëhet nga katër interpretuese të reja. Ato janë përkatësisht Fan Weiqing që i bie Gu Zheng-ut, Yu Hongmei që luan Er Hu, Yang Jing që i bie Pi Pa-s dhe Liu Yuening që i bie Yang Qin-it.

Po dëgjoni kuartetin me titull "Shiu i zemrës", melodia e të cilit është kompozuar nga Tang Jianping. Një pasdite vere, koha ishte e nxehtë dhe binte shi. Tang Jianping-u ishte i mbushur me frymëzim dhe krijoi këtë melodi.

Këto katër vajza janë të spikatura në qarqet e muzikës kombëtare të Kinës. Yu Hongmei, Yang Jing dhe Liu Yuening janë profesore në Konservatorin Qendror të Kinës, ndërsa Fan Weiqing është interpretuese solo e njohur në Korin e Radiopërhapjes së Muzikës Kombëtare.

Interpretimi i tyre simbolizon nivelin më të lartë të interpretimit të muzikës kombëtare të Kinës dhe bashkëpunimi i tyre është i heshtur. Ato interpretojnë me stilet klasike dhe shumica e melodive të tyre është tradicionale.

Gjithashtu ato u kushtojnë rëndësi përtëritjes dhe zhvillimit. Kanë bashkëpunuar me kompozitorë të famshëm duke interpretuar shumë vepra muzikore, të cilat janë mirëpritur nga kompozitorët dhe adhuruesit. Do të dëgjoni tani melodinë me titull "Rrotullimi i ujit". ?(??)

Melodia "Rrotullimi i ujit" është kompozuar nga kompozitori japonez Minoru Miki, që pastaj e rikompozoi për korin "Qing Mei Jing Yue" si një kuartet. Nganjëherë kjo melodi shfaqet me ritme të ngadalta (si një poemë), dhe herë-herë me ritme të shpejta.

Si interpretueset më të dalluara, këto katër vajza luajnë shumë mirë në veglat muzikore të tyre. Me anën e këtyre veglave muzikore, ato kanë përdorur disa mënyra interpretimi duke na dhënë një atmosferë artistike.

Nga viti 1996 deri tani, kori i muzikës kombëtare "Qing Mei Jing Yue" ka zhvilluar shumë koncerte brenda dhe jashtë Kinës, të cilat janë pritur ngrohtë dhe kanë marrë vlerësime të larta nga spektatorët.

Sivjet, ato kanë marrë pjesë në festivalin e 60-të ndërkombëtar të muzikës në Çeki me titull "Pranvera e Pragës", në të cilin fituan duartrokitjet e ngrohta të spektatorëve. Presidenti i Çekisë dhe bashkëshortja e tij u takuan me to dhe i përgëzuar se u kanë sjellë spektatorëve botërorë bukurinë e muzikës kineze. ?(????)

Do të dëgjoni tani melodinë me titull "Silueta e fshatit jugor", e cila është krijuar nga kompozitori Mo Fan. Me elemente muzikore folklorike të provincës Zhejiang, kjo melodi përshkruan panoramën natyrore dhe njerëzore të këndshme të fshatit jugor, duke na paraqitur marrëdhëniet e ngushta midis njerëzve dhe natyrës. (U Sen)