Të dashur lexues, ju përshëndes përsëri në programin tonë muzikor. Në rubrikën "Këngët kombëtare" do të dëgjoni një grup këngësh të kënduar nga këngëtarja e njohur kineze, Cheng Guilan. 

Do të dëgjoni tani këngën kombëtare të provincës Hebei në veri të Kinës me titull "Ngritja e balonave". Në mars, lulet lulëzojnë, koha është e bukur. Me këtë rast, vajzat bëjnë ekskursion në periferi dhe ngrenë balona. Kjo këngë përshkruan gëzimin e tyre gjatë ekskursionit.

Cheng Guilan ka lindur në një familje që luan në Operën e Pekinit. Nën ndikimin e prindërve të saj, Cheng Guilanit i pëlqente opera kineze që kur ishte e vogël. Në vitin 1970, në moshën 15 vjeçare, ajo u bë një ushtare artiste, si një këngëtare solo në Ansamblin "Vija e Frontit" të zonës ushtarake të Nankinit.  dëgjoni

Në vitin 1980, në një konkurs të këngës kombëtare, folklorike të zhvilluar nga Ministria e Kulturës e Kinës, Cheng Guilan fitoi çmimin "Këndimi i shkëlqyer" me këngën "Bukuria e liqenit Taj".

Do të dëgjoni tani këngën kombëtare të provincës Zhejiang me titull "Muzikë vallëzimi në mbledhjen e çajit", e cila përshkruan vajzat punëtore që mbledhin gjethe çaji. dëgjoni

Cheng Guilan ka zë të ëmbël, prandaj i këndon mirë këngët e stileve të ndryshme. Do të dëgjoni tani këngën e kombit Chao Xian me titull "Një vajzë që mbledh mollë dhe dardhë". Kjo këngë përshkruan të vjelat e mbara në kopshtet e frutave në vjeshtë. dëgjoni

Me delegacionin e artistëve kinezë, Cheng Guilan ka dhënë shfaqje jo vetëm në shumë vende të botës, si në Gjermani, SHBA, Kanada, Rusi etj, por edhe në Honkong dhe Makao.

Përveç këtyre, ajo ka zhvilluar shumë koncerte solo dhe ka regjistruar shumë albume. Do të dëgjoni tani këngën kombëtare të provincës Jiangsu me titull "Panorama e Usi-s". Kjo këngë na paraqet si në një pikturë me panorama të këndshme në jug të Kinës:

Në një çadër çaji, udhëtarët vështrojnë një liqen të këndshëm, dhe pinë çaj duke admiruar panoramën e bukur. Një vajzë e re, me këngën e saj, na përshkruan historinë, panoramën dhe veçoritë e qytetit të njohur në jug të Kinës?Usi. dëgjoni

Në fund të programit të sotëm, le të dëgjojmë një këngë kombëtare tjetër të provincës Jiangsu me titull "Gjelbërimi i shelgut". Ajo titullohet kështu për shkak të përsëritjes së fjalës "gjelbërimi i shelgut" në të.

Në këtë këngë thuhet "Në mëngjes ka shumë lagështi në tokë e mbjellë, që njom bimët e reja. Gjethet e shelgut janë të gjelbra. Fryn erë. Këndojmë dhe qeshim. Gjethet e shelgut janë të gjelbra..."   dëgjoni

 (U Sen)