Të dashur lexues, ju përshëndes përsëri në programin tonë muzikor. Në rubrikën "Melodi kombëtare" do t'ju paraqes një grup melodish të stileve të kombësisë Ji të Kinës.

Më parë, do të dëgjoni melodinë solo me titull "Melodia Leibo" të interpretuar me veglën muzikore Yue Qin. Yue Qin është një vegël muzikore me tela me të cilën interpreton shpesh herë populli i kombësisë Ji. Për shkak të bukurisë së zërit të kësaj vegle, ajo luhet shpesh herë në solo dhe në vallëzimet kombëtare.

"Melodia Leibo" na tregon jetën e lumtur të popullit të kombësisë Ji që banon në jug-perëndim të provincës Sichuan. dëgjoni

Sapo keni dëgjuar melodinë me titull "Melodia Leibo" të interpretuar me veglën muzikore Yue Qin. Kombësia Ji është një pakicë kombëtare me histori të gjatë, i cili banon kryesisht në provincat Sichuan, Yunnan, Guizhou etj. Kombi Ji ka një tradicion muzikor shumë të gjatë, kështu edhe populli i kombësisë Ji tregojnë ndjenjat e tyre ndaj jetës nëpërmjet muzikës.

Do të dëgjoni tani melodinë solo me titull "Melodia Butuo" të interpretuar me veglën muzikor Yue Qin. Kjo melodi na tregon gëzimin e kombësisë Ji të rajonit Butuo të provincës Yunnan që feston "Festivalin Pishtar".

"Festivali Pishtar" është një festë tradicionale e përvitshme që zhvillohet më 24 korrik ose 25 korrik të çdo viti sipas kalendarit hënor. Gjatë kësaj feste, njerëzit zhvillojnë aktivitete të ndryshme me veçori kombëtare.

Sidomos në mbrëmje, çdo familje ndez pishtarë, bën ekskursion në fshat me pishtrë në dorë, pastaj këndon dhe vallëzon afër zjarrit. Këto aktivitete zgjasin deri në mëngjes.   dëgjoni

Kombësia Ji ka më shumë se 50 lloje veglash muzikore. "Hu Lu Sheng" është një vegël muzikore me histori të gjatë. Gjatë festave, mirëpritjes së mysafirëve ose martesave, populli i kombësisë Ji interpreton në këtë vegël. Do të dëgjoni tani melodinë me titull "Kullota në dritën e hënës", e cila na tregon vallëzimin e vajzave të kombësisë Ji në kullota në mbrëmje në dritën e hënës.   dëgjoni

Të dashur lexues, do të dëgjoni tani melodinë me titull "Melodia e bukur" të interpretuar me veglën muzikore Siao Men Di. Me zë të qartë dhe të bukur, Siao Men Di është e përshtatshme për të shpërfaqur meloditë e malësisë.

Kjo melodi përshkruan bisedat e një çifti të dashuruarish në një pyll me pisha. Kjo melodi e këndshme, do t'ju japë ndjesinë se banoni në fshatin e kombësisë Ji të zhytur me mjegull. Do të mund të dëgjoni zërin e ujit dhe të zogjve.   dëgjoni

Të dashur lexues, mirudëgjofshim! (U Sen)