dëgjoni

Ju flet Radio e Jashtme e Kinës, të dashur dëgjues, para pak kohësh filloi zyrtarisht faza e dytë e ndërtimit ndërtimi i fazës së dytë të Bibliotekës Shtetërore të Kinës dhe të Bibliotekës Dixhitale Shtetërore të Kinës, gjë që shënoi hyrjen e çështjes së bibiliotekës publike të Kinës në një fazë të re.

Bibliotekat e Kinës ndahen në 4 pjesë: biblioteka publike, biblioteka të institucioneve kërkimore shkencore, biblioteka të shkollave dhe biblioteka të ndërmarrjeve. Tani në Kinë ka më se 2700 biblioteka në rang distrikti e më lart.

Qeveria kineze ka investuar l miliard e 300 milionë yuanë për ndërtimin e fazës së dytë të Bibliotekës Shtetërore dhe të Bibliotekës Dixhitale Shtetërore me qëllim për të ndërtuar qendrën më të madhe të koleksionimit të dokumenteve në gjuhën kineze, bazën më të madhe të burimeve dixhitale të gjuhës kineze në botë, si dhe bazën më të përparuar të shërbimeve informative në internet. Këto vepra parashikohet të realizohen dhe të vihen në shfrytëzim në tetor të vitit 2007. Biblioteka Shtetërore e Kinës do të jetë biblioteka publike me sipërfaqen më të madhe dhe me pajisjet më të përparuara në Kinë. Ndërtimi i kësaj vepre është tregues i zhvillimit me shpejtësi të bibliotekave publike të Kinës. Nënkryetari i përhershëm i Këshillit të Shoqatës së bibliotekave të Kinës, z. Zan Furui tha :

" Mund të themi se vitet e fundit, shteti dhe qeveria kanë bërë një investim të madh në industrinë e kulturës. Tani në të gjitha provincat, në qytetet kryesore janë ndërtuar muze dhe biblioteka. Ky është një tregues i mirë i një prirjeje zhvillimi. "

Sipas statistikave të Ministrisë së Kulturës të Kinës, vitet e fundit, vëllimi i përgjithshëm i librave të bibliotekave publike të Kinës është në rritje të vazhdueshme . Në zonat e zhvilluara ekonomike të Kinës lindore, vëllimi i përgjithshëm i librave të ruajtura në bibliotekat publike pati një rritje më të madhe.

Krahas zhvillimit të shpejtë dhe të vazhdueshëm të ekonomisë kineze, edhe qytetet e Kinës kanë njohur një zhvillim të vrullshëm. Gjatë këtij procesi, përveç bibliotekave shtetërore, të provincave dhe atyre në rang qyteti e distrikti, edhe bibliotekat e lagjeve kanë njohur një zhvillim të madh. Sekretarja e përgjithshme e Shoqatës së Bibliotekave të Kinës, znj. Tang Gensheng tha se në shumë vende të zhvilluara, bibliotekat e lagjeve janë një pjesë e rëndësishme përbërëse e kulturës së këtyre lagjeve. Krahas zhvillimit të qyteteve, bibliotekat e lagjeve të banorëve kanë perspektivë të madhe zhvillimi.

Znj-Tang Gensheng tha:"Si sektori i katërt i bibliotekave publike, bibliotekat e qytezave e lokaliteteve, të bulevardeve dhe lagjeve që ndodhen afër shtetasve, kanë hyrë në një periudhë zhvillimi të paparë ".

Krahas zhvillimit tekniko-shkencor, Kina po zbaton në mbarë vendin " veprimtarinë e shfrytëzimit të përbashkët të burimeve informatrive kulturore ". Kjo veprimtari është bazuar në bibliotekat publike të krahinave të ndryshme të mbarë vendit, pas futjes së burimeve të institucioneve kulturore publike në mënyrë dixhitale në internet dhe me anë të sistemit të transmetimeve në internet, do të arrihet shfrytëzimi i përbashkët i informacioneve më të rëndësishme kulturore.

Duke filluar nga fundi i viteve '90 të shekullit të kaluar, shumë biblioteka publike e përcaktuan muajin dhjetor si "muajin e leximeve". Gjatë aktiviteteve të këtij muaji, biblioteka të ndryshme organizojnë leksione dhe shërbime falas për lexuesit.

Megjithëse bibliotekat publike të Kinës kanë marrë një zhvillim të shpejtë, në krahasim me vendet e zhvilluara, kemi ende një diferencë të madhe. Edhe zhvillimi i bibliotekave në krahinat e ndryshme të mbarë Kinës nuk është i ekuilibruar. Duke folur për problemet që dalin përpara bibliotekave publike, sekretarja e përgjithshme e Shoqatës së bibliotekave të Kinës Tang Gensheng tha: "Mjedisi ekonomik ka një ndikim të madh me investimet, sepse për përsosjen dhe ndërtimin e bibliotekave, shpesh duhen investimet nga shteti." Zhvillimi i çështjeve publike duhet të ketë një bazë të fortë ekonomike. Bibliotekat publike do të marrë një zhvillim të mëtejshëm krahas forcimit të potencialit ekonomik të Kinës. (Zhai)