Dëgjues të dashur, me shpjegimet e sipërpërmendura, ju mund të njihni faktin që Tajvani është territor i Kinës. Por ndoshta do të keni pyetje se për se Tajvani dhe pjesa kontinentale e Kinës u ndodhën më vonë në një gjendje armiqësore ? Përse deri tani Tajvani nuk është bashkuar ende me pjesën kontinentale të Kinës ?

Kjo gjendje armiqësore midis Tajvanit dhe pjesës kontinentale të Kinës ka ardhur si rezultat i luftës civile të viteve 40 të shekullit të kaluar në Kinë. D.m.th në vitin e dytë pas përfundimit të luftës së dytë botërore, në vitin l946, shpërtheu lufta midis Partisë Gomindanase dhe Partisë Komuniste të Kinës që u kishin rezistuar së bashku agresorëve japonezë. Shkaku i shpërthimit të luftës ishte se Partia Gomindanase e Kinës refuzoi krijimin e qeverisë së koalicionit me Partinë Komuniste të Kinës duke u orvatur ta zhdukte PK të Kinës nëpërmjet shpërthimit të luftës dhe të krijonte një regjim të diktaturës së një partie. Pas luftës 3-vjeçare, Partia Komuniste e Kinës që ishte e dobët nga ana e forcave ushtarake, shpartalloi me përkrahjen e popullit Partinë Gomindanase. Në vitin l949, Partia Komuniste e Kinës që doli fitimtare shpalli RP të Kinës, kurse forcat e Partisë Gomindanase u sprapsën nga pjesa kontinentale e Kinës dhe u vendosën në ishullin e Tajvanit, duke iu kundërvënë qeverisë qendrore dhe duke mos e njohur RP të Kinës si të vetmen qeveri të ligjshme të Kinës.

Deri tani, megjithëse kontaktet ekonomiko-tregtare dhe kulturore midis dy brigjeve janë shtuar dita ditës, qëndrimi armiqësor midis dy brigjeve nuk ka përfunduar akoma.

Qëndrimi i komunitetit ndërkombëtar është i qartë lidhur me faktin se Tajvani është pjesë e Kinës. Gjatë më se 50 vjetëve pas shpalljes së saj, RP e Kinës ka vendosur marrëdhënie diplomatike me më se l60 vende të botës. Të gjitha vendet që kanë vendosur marrëdhënie diplomatike me Kinën premtuan qysh nga dita e vendosjes së marrëdhënieve se e njohin RP të Kinës si të vetmen qeveri të ligjshme të Kinës dhe se Tajvani është një pjesë e Kinës.

Ju flet Radio e Jashtme e Kinës, sot me kaq do të përfundojmë pjesën e parë të konkursit mbi problemin e Tajvanit. Në emisionin e ardhshëm, do t'ju njohim me kursin themelor të qeverisë kineze për zgjidhjen e problemit të Tajvanit, si dhe përpjekjet e saj për këtë.

Ju ftojmë të dëgjoni dy pyetje:

Pyetja 1: Në ç' pjesë të kontinentit të Kinës ndodhet ishulli i Tajvanit ?

Ishulli i Tajvanit ndahet nga pjesa kontinentale e Kinës me një ngushticë. Sa e gjatë është rruga më e shkurtër midis dy brigjeve?

Pyetja 2: Në vitin l943, tre vendet, Kina, SHBA, dhe Anglia nënshkruan një manifest, ku konfirmuar faktin se Tajvani është pjesë e Kinës. Si e ka emrin ky manifest ?