dëgjoni

Para disa kohësh, një revistë amerikane botoi në 21 faqe " Shekulli i Kinës" me temën kryesore: "E ardhmja do t'i përkasë Kinës ?", ku u analizua nga këndvështrime të ndryshme ngritja e Kinës duke u marrë edhe shembuj të studimit të kinezçes nga studentët amerikanë.

Krahas zhvillimit me shpejtësi të Kinës, kinezçja po tërheqë gjithnjë e më shumë vëmendjen e njerëzve. Departamenti i shtetit amerikan e përcaktoi kinezçen si gjuhë shumë të rëndësishme dhe numri i njerëzve që studiojnë kinezçe po shtohet dita ditës.

Sipas hulumtimeve të Qendrës studimore të gjuhëve të SHBA-së, 640 shkolla të larta të SHBA-së kanë filluar planin e posaçëm për studimin e gjuhës kineze. l02 shkolla l2 vjeçare e kanë përfshirë gjuhën kineze si lëndë mësimore. Në disa shkolla fillore, fëmijët 6 vjeçarë fillojnë të mësojnë gjuhën kineze.

Kudo në muret e koridoreve të shkollave janë vendosur vepra artistike kineze, lodra me shkrime të gjuhës kineze, tekste këngësh për fëmijë në gjuhën kineze etj. Në familjet amerikane, disa prindër shkojnë në shkollën e natës për të studiuar gjuhën kineze, në mënyrë që të mos mbeten prapa fëmijëve. Disa prindër janë të mendimit se edhe në rast se në të ardhmen, fëmijët nuk do të përdorin gjuhën kineze në punën e tyre, gjuha kineze është e vlefshme për të mësuar sepse me anën e studimit të një gjuhe, fëmijët do të studiojnë edhe një kulturë të huaj.

Të gjitha këto tregojnë se në studimin e gjuhës kineze, amerikanët tregojnë këto 4 metoda: 1 Në studimin e një gjuhe, duhet tu nisur nga rëndësia e saj, si ngritja e Kinës, 2, Studimi i një gjuhe duhet të fillojë qysh fëmijë, sepse fëmijët e mësojnë më shpejt gjuhën, 3, Për studimin e një gjuhe, duhet të krijohet edhe një atmosferë , 4 Objektivi i studimit të një gjuhe nuk është vetëm punësimi, por edhe studimi i një kulture.

Në krahasim me amerikanët që studiojnë në këtë mënyrë kinezçen, si veprojnë kinezët për studimin e anglishtes ?

Kinezët e kanë parë rëndësinë e anglishtes që sot është kthyer në një gjuhë ndërkombëtare. Për tu lidhur sa më shumë me botën, patjetër duhet të mësojnë ose të flasin anglishten. Edhe kinezët e kanë filluar mësimdhënien e anglishtes në gjirin e fëmijëve. Por nxënësit nuk guxojnë të flasin në orët e mësimit anglisht, nuk krijojnë si duhet një atmosferë të gjuhës. Prindërit i detyrojnë fëmijët të studiojnë anglishten vetëm për të gjetur një punë të mirë ose për të fituar një gradë profesional.

Në këtë drejtim, kinezët duhet të mësojnë nga amerikanët, ta konsiderojnë studimin e një gjuhe si një kënaqësi. (Zhai)