Pasi mori vesh këtë lajm të gëzueshëm, studenti tajvanez i institutit të drejtësisë të Universitetit të Pekinit Lin Chengduo u gëzua shumë dhe mori menjëherë në telefon mikun e tij Lv Fengji që po kalon pushimet verore në Tajvan. Lv Fengji është aspirant në Universitetin e Politikës dhe Drejtësisë të Kinës në Pekin. Lv Fengji tha: "Kam 3 vëllezër dhe motra, barra e prindërve është shumë e rëndë. Në të kaluarën, 12 mijë juanë shpenzime studimesh për një vit ishin të barabarta me shpenzimet për studime në universitetet private të Tajvanit, kurse tani unë mund të përmirësoj më tej kushtet e jetësës të studimit."

Edhe studentja tajvaneze e Universitetit të Politikës dhe Drejtësisë të Kinës Yang Jiawen është e mendimit se ajo përfiton shumë nga kjo politikë. Ajo tha: "Kështu unë mund të kursej 9000 juanë në vit, shpresoj se edhe motra ime do të studiojë në pjesën kontinentale. Unë do të blej më shumë libra për të pasur rezultate më të mira në studime, vetëm kështu do të gjej një punë të mirë pas diplomimit."

Para 9 vjetëve, familja e Liao Meiyunit erdhi nga Tajvani në qytetin Suzhou të Kinës lindore për banim dhe për biznes. Vitin e kaluar, djali i saj u pranua në Universitetin Popullor të Kinës ndërsa vajza u pranua në Universitetin e Mjekësisë të Pekinit. Liao Meiyun tha: "Jam shumë e gëzuar sepse do të kursej shumë shpenzime për studimet, njëkohësisht kjo politikë ka treguar vendosmërinë e pjesës kontinentale për nxitjen e shkëmbimeve midis dy brigjeve. Megjithëse tani autoritetet tajvaneze nuk e njohin diplomën e pjesës kontinentale, unë nuk shqetësohem fare, sepse fëmijët do të punësohen në pjesën kontinentale. Jam e bindur se në pjesën kontinentale ka shanse të mira punësimi."

Në qytetin Suzhou ka edhe shumë biznesmenë tajvanezë si Liao Meiyun. Drejtori i përgjithshëm i Kompanisë ndërkombëtare të investimeve Anxin Hu Caian erdhi në Suzhou në vitin 1997. Në vitin 2004, djali i madh i tij hyri në Universitetin Suzhou për studime, këtë vit edhe djali i vogël do të hyjë në këtë universitet. Ai tha: "Ky është një lajm i mirë. Tani shumë fëmijë të biznesmenëve tajvanezë studiojnë në pjesën kontinentale. Politika e shpenzimeve të njëjta do të nxitë shkëmbimet midis dy brigjeve."

Më se 100 studentë tajvanezë në Universitetin Suzhou shprehin përshëndetje dhe përkrahje për politikën e shpenzimeve të njëjta të pjesës kontinentale, dhe janë të mendimit se kjo politikë do të tërheqë më shumë studentë tajvanezë për të studiuar në pjesën kontinentale.

Një përgjegjës i Shoqatës së biznesmenëve tajvanezë në Suzhou tha: "Në të kaluarën, shpenzimet e larta i pengonin studentët tajvanezë të studionin në pjesën kontinentale. Politika e re tregon sinqeritetin e pjesës kontinentale për nxitjen e shkëmbimeve midis dy brigjeve." (Fani)