china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2005-08-23 20:26:15

Comment

Qyteti i Xiamenit përpiqet për nxitjen e shkëmbimeve ekonomiko-tregtare midis dy brigjeve të ngushticës së Tajvanit

cri

Qyteti i Xiamenit është një nga zonat e posaçme ekonomike, të krijuara më herët në Kinë. Sipërfaqja e përgjithshme e qytetit është 1500 kilometra katrore. Largësia e Xiamenit nga Jinmeni i Tajvanit është vetëm disa kilometra. Xiameni ka epërsi për shkak të pozitës së veçantë gjeografike për zhvillimin e marrëdhënieve ekonomiko-tregtare me Tajvanin. Në prill të vitit 1997, midis dy brigjeve filloi në formë eksperimentale linja e drejtpërdrejtë e transportit të mallrave. Deri tani, 70% e kontejnerëve të mallrave të dy brigjeve janë shkarkuar dhe janë ngarkuar nga porti i Xiamenit. Në janar të vitit 2001, u hap linja e transportit të udhëtarëve nga Xiameni gjer në Jinmenin e Tajvanit, Kështu që Xiameni është bërë nyjë e rëndësishme e lidhjeve dhe e kontakteve të njerëzve të të dy brigjeve. Sipas të dhënave statistikore, vetëm gjatë gjashtëmujorit të parë të këtij viti, numri i udhëtarëve nëpërmjet kësaj linje i kaloi 250 mijë vetat. Kryetari i zyrës së Drejtorisë për çështjet e portit të Xiamenit z. Zhou Qinghai tha se hapja e linjës së transportit nga Xiameni gjer në Jinmen ka ngritur shumë efektivitetin e transportit të udhëtarëve të dy brigjeve dhe është përshëndetur nga biznesmenët e transportit të udhëtarëve, sidomos të tregtarëve të Tajvanit, që kanë bërë investime në pjesën kontinentale të atdheut.

Për të udhëtuar nga Xiameni gjer në Jinmen duhen 40 minuta, pastaj nga aeroporti i Jinmenit gjer në Tajvan duhen 2 orë.

Përmirësimi i kushteve të komunikacionit ka nxitur rritjen e vazhdueshme të tregtisë midis Xiamenit dhe Tajvanit. Produktet e transportuara nga Xiameni në Tajvan janë barërat kineze, ushqimet, sendet e konsumit të përditshëm etj.Ndërsa mallrat e transportuara nga Tajvani në Xiamen janë kryesisht produktet bujqësore me karakteristika të Tajvanit.

Për zhvillimin e tregtisë midis dy brigjeve, pjesa kontinentale e atdheut ka krijuar tregun e biznesit të mallrave me çmim të ulët në ishullin dadeng të Xiamenit. Tani vëllimi i tregtisë vjetore të këtij tregu arriti në 200 milionë juanë.

Pak kohë më parë, u mundësua që 15 lloje frutash të prodhuara nga Tajvani të hynin pa taksa doganore në tregun e pjesës kontinentale të atdheut, ndër to shumë janë me karakteristika të Tajvanit. Qyteti i Xiamenit e shfrytëzoi këtë mundësi dhe e lehtësoi procedurën e kontrollit për frutat e prodhuara nga Tajvani, duke krijuar shumë kushte të favorshme për hyrjen e frutave të Tajvanit në tregun e pjesës kontinentale të atdheut.

Zv/drejtori i Drejtorisë së zhvillimit të tregtisë të qytetit të Xiamenit z. Dai Bizhong tha se Xiameni po bëhet bazë e hyrjes së frutave të ardhura nga Tajvani për hyrjen në tregun e pjesës kontinentale.

Qysh nga 28 maji i këtij viti, 6 shoqëri tregtare të qytetit të Xiamenit kanë importuar fruta të prodhuara nga Tajvani në një sasi prej 86 tonësh dhe me një vlerë prej 84 mijë dollarësh amerikanë. Pjesa dërrmuese e këtyre frutave janë dërguar në Pekin, Shangai dhe në zona të tjera afër Xiamenit.

Pozita e veçantë gjeografike e ka bërë Xiamenin vendin kryesor të investimeve të ndërmarrjeve tajvaneze në pjesën kontinentale. Deri në korrik të këtij viti, në këtë qytet janë ndërtuar 2300 objekte me investime të Tajvanit, investimet e të cilit në Xiamen arritën në 2 miliardë e 800 milionë dollarë amerikanë. Nga shumë ndërmarrje me investime të Tajvanit, ndërmarrjet bujqësore të Tajvanit në Xiamen kanë patur zhvillim të veçantë. Klima, toka dhe kushte të tjera të Xiamenit janë shumë të afërta me Tajvanin. Pra këto kushte janë përshtatur për investimet e ndërmarrjeve bujqësore. Përveç këtyre, qyteti i Xiamenit ka ndërmarrë shumë politika të favorshme për zhvillimin e ndërmarrjeve bujqësore me investime tajvaneze.

Shoqëria me përgjegjësi të kufizuar e ushqimeve e Marneksit, që është vendosur në fund të viteve 80 në Xiamen, është një ndërmarrje për përpunimin e ushqimeve. Vëllimi i prodhimit vjetor është mbi 12 milionë dollarë amerikanë. Zv/drejtori i përgjithshëm i kësaj shoqërie z. Lin Fufan i tha gazetarit se kushtet e favorshme të investimeve të Xiamenit kanë tërhequr shumë ndërmarrje me investime të Tajvanit. (Sihai)