Arsyet për këtë mungesë gjumi mund të jenë të ndryshme, por ngarkesa në shkollë është pa dyshim kryesorja. Për shkak të shtimit të sasisë së dijeve që duhet të marrin, nxënësit zhyten në mësime e provime pa fund. Me gjithë konceptin e ri të "arsimimit të orientuar nga cilësia", përsëri tradita e vjetër e marrjes në provim ende mbizotëron, duke bërë që nxënësit të marrin pjesë në kurse përgatitore që gëlltisin edhe atë pak kohë që u mbetet.

Një rrugë për të zgjidhur deri diku këtë problem do të ishte që orari i fillimit të mësimit të shtyhej gjysmë ore. Kjo do të bënte që nxënësit të kishin më shumë kohë për të fjetur dhe do të përshtatej me oraret e punës e të veprimtarive të tjera shoqërore. (Artani)