Qendra e Informacionit e Rrjetit të Internetit e Kinës kohët e fundit bëri të ditur se numri i përdoruesve të internetit në Kinë arriti kuotën e 100 milionë vetave në fund të qershorit, duke e renditur Kinën në vendin e dytë për sa i përket numrit të përdoruesve të rrjetit, pas Shteteve të Bashkuara.

Interneti është bërë tregu kryesor mediatik në Kinë sot, meqë një lajm on-line mund të shihet dhjetëra mijë herë, një numër që nuk ka të krahasuar me median tradicionale. Interneti e ka ndryshuar jetën e njerëzve, duke siguruar shfrytëzimin e një sasie shumë të madhe informacioni të përditësuar. Ai ka bërë gjithashtu që të ketë një ushtrim më të mirë të së drejtës së shprehjes. Kështu që qeveria duhet t'i kushtojë rëndësinë e duhur kësaj medieje në rritje. Zyrtarët duhet ta shfrytëzojnë sa më shumë internetin për të marrë mendimin e publikut. Interneti ka qenë një nxitje e madhe për zhvillimin shoqëror. Por nga ai do të përfitohet në masën më të madhe nëse mbahet një qëndrim shkencor e i arsyeshëm ndaj përdorimit të tij të gjerë.(Artani)