dëgjoni

Për personat që interesohen për sportin e patinazhit dhe të skive të Kinës, nuk do të jetë i panjohur emri i Zhao Hongbos. Vitet e fundit, si krenaria e patinazhit kinez, Zhao Hongbo dhe partnerja e tij Shen Xue kanë fituar medaljet e arta në garën e patinazhit artistik si çift në Kampionatin Botëror të Patinazhit Artistik 2002 dhe 2003 si dhe medaljen e bronztë në Lojërat Olimpike Dimërore 2002 në Saltlake City. Në Lojërat Olimpike Dimërore që do të organizohen në shkurt të vitit të ardhshëm në Torino, Shen Xue dhe Zhao Hongbo konsiderohen si pretendentët kryesorë për fitimin e medaljes së artë të patinazhit artistik si çift. Fatkeqësisht, kohët e fundit gjatë stërvitjeve Zhao Hongbo u plagos rëndë në këmbë dhe u detyrua të ndërpresë stërvitjen për të paktën 3 muaj. Por ky sportist 32-vjeçar nuk heq dorë nga ëndrra e tij për Lojërat Olimpike Dimërore. Do të dëgjoni tani reportazhin lidhur me këtë.

Gjatë 4 a 5 vjetëve të fundit, në garën e patinazhit artistik si çift, Shen Xue/Zhao Hongbo dhe dy çifte ruse e kanadeze janë njohur si 3 çiftet më të forta në botë. Opinioni parashikon që çifti kinez do të shkëlqejë edhe në Lojërat Olimpike Dimërore të vitit të ardhshëm. Në fillim të gushtit, skuadra shtetërore e patinazhit artistik e Kinës bëri stërvitje të përqëndruar në Kunming, qytet i Kinës jug-perëndimore në rrafshnaltë. Më 5 gusht pasdite, Zhao Hongbo bëri nxehje në pistën e akullt. Teksa përgatitej të kryente një veprim të vështirë, Zhao u dëmtua. Duke kujtuar atë çast, ai tha:

"Atë ditë gjatë stërvitjes, kur këmbët më prekën në akull, m'u duk sikur preka një thikë. Më vonë më thonë se kisha prerë dellin e këmbës së majtë."

Në fakt dëmtimi në këmbë është sëmundje e vjetër për Zhaoun. Qysh nga fundi i vitit 2004, dellin e këmbës së majtë ai e ka të dëmtuar dhe ka marrë mjekim konservator. Sipas trajnerit të tij, Yao Bin, Zhao Hongbo duhet të pushojë të paktën 3 muaj para se të rifillojë stërvitjens. Kjo tregon se ai nuk mund të marrë pjesë në asnjë nga garat para Lojërave Olimpike Dimërore të Torinos. Edhe për pjesëmarrjen në Lojërat Olimpike, duhet marrë parasysh gjendja e tij fizike dhe e stërvitjes në fillim të vitit të ardhshëm.

Megjithëse kanë fituar shumë medalje ari dhe kupa në garat botërore, për Zhao Hongbos i mungon edhe një medalje ari olimpike. Këtë medalje, Zhao dhe partnerja e tij Shen Xue e kanë pritur shumë vjet me radhë. Aksidenti i befasishëm është padyshim një goditje e rëndë për Zhaoun 32-vjeçar, por ai tregohet i fortë përpara kësaj vëshirësie.

"Për mua kjo është vështirësia më e madhe në jetë. Por unë dhe partnerja nuk do të heqim dorë. Kemi besim të plotë që të ndodhemi në pistën e akullt të Lojërave Olimpike Dimërore të Torinos."

Ashtu siç tha edhe Zhaou, ai nuk ka hequr dorë asnjë ditë. Me të dalë nga spitali pas operacionit, filloi të bëjë stërvitje të muskulit për të ruajtur fuqinë trupore. Edhe trajneri i tij Yao Bin është gati të organizojë specialistëve kinezë dhe të huaj për të drejtuar stërvitjen e rimëkëmbjes së Zhaout. Ai tha se ky proces do të jetë shumë i dhimbshëm. Por për këtë, Zhaou u tregua shumë i qetë. Ai tha: "Dëmtimi dhe sëmundja janë shumë të zakonshme për sportistët. Jam gati të përballoj vuajtjet. Mendoj se përsa i përket aftësisë së durimit, sportisti duhet të jetë më i fortë se njeriu i zakonshëm."

Gjatë mbi 20 vjetëve që merret me patinazh, aspirata e parë e Zhaout është fitimi i një medaljeje të artë olimpike. Edhe sportdashësit kinezë i urojnë të rimëkëmbet sa më shpejt dhe të luftojë në Torino për çastin e madh. (Wang Lei)