Dëgjoni 

Të dashur lexues, melodia që po dëgjoni titullohet "Të dëgjojmë zhurmën e pishave". Kjo është një melodi e kompozuar nga muzikanti i njohur Hua Jiangjun në fillim të shekullit të kaluar. Nëpërmjet ritmeve të shpejta dhe të hapura, në këtë melodi vlerësohen cilësitë e pishave që nuk përulen.

Babai i Song Fei-së është profesor i degës së Er Hu-së në Konservatorin e qytetit të Tian Jin-it. Qysh në fëmijëri, Song Fei filloi të mësojë t'i bjerë Er Hu-së nga i ati dhe në moshën 7 vjeçare, nisi të japë shfaqje në arenë. Në vitin 1981, Song Fei, 12 vjeçe u pranua në shkollën e mesme pranë Konservatorit të Tian Jin-it. Në vitin 1987, me rezultate të shkëlqyera, ajo hyri në Konservatorin Qendror të Shtetit, duke vazhduar studimin për të luajtur në në Er Hu dhe duke filluar të mësonte Gu Çin, një vegël muzikore tradicionale kineze.

Kur ishte në shkollë të mesme, Song Fei-ja kishte marrë shpesh pjesë dhe kishte fituar shumë çmime në konkurse të ndryshme të interpretimit të veglave muzikore tradicionale kineze të organizuara në mbarë botën. Në vitin 1991, pasi ajo u diplomua në Konservatorin Qendror të Shtetit, Song Fei u bë një soliste e Orkestrës Qendrore Kombëtare të Kinës. Ajo ka bashkëpunuar me shumë orkestra të vendit dhe të huaja dhe ka interpretuar shumë vepra të shkëlqyera klasike kineze. Gjithashtu, ajo provoi të interpretojë disa melodi moderne me veglën tradicionale, Er Hu, dhe u pri ngrohtë nga spektatorët.

Dëgjoni

Të dashur lexues, melodia që po dëgjoni titullohet "Burrimi Er Quan pasqyron Hënën". Kjo është edhe një vepër e kompozuar nga muzikanti Hua Jiangjun. Në këtë melodi, mes tingujve prekës, përshkruhet qëndresa e një plaku ndaj fatit të padrejtë dhe synimi i tij për një jetë të bukur.

Në vitin 1996, Song Fei dhe 8 instrumentiste të reja kineze formuan një filarmoni të vogël për popullarizimin, studimin dhe interpretimin e muzikës tradicionale popullore kineze. Këto artiste dhe meloditë e interpretuara prej tyre i kanë dhënë gjallëri të re muzikës tradicionale kombëtare kineze dhe kanë ringjallur vëmendjen e masave popullore në këtë fushë. Në vitin 1998 dhe 1999, bashkë me Orkestrën Qendrore Kombëtare të Kinës, Song Fei dha shfaqje në Sallën e Koncertit të Artë të Vienës së Austrisë. Meloditë tradicionale "Cicërimi i Zogjve në Male" dhe "Burrimi Er Quan pasqyron Hënën" u pritën ngrohtësisht nga spektatorët evropianë dhe ngjallën interesin e tyre për muzikën tradicionale kineze. Në fund të këtij programi, ju ftojmë të shijoni melodinë "Cicërimi i Zogjve në Male" të interpretuar nga Song Fei me Er Hu.Dëgjoni(Çan Yean)