Në dinastinë Ming të Kinës në fillim të shekullit të 15-të ekzistonte teknika më e përparuar të ndërtimit të anijeve në botë dhe ajo kishte flotën më të madhe oqeanike. Ajo flotë madhështore që përbëhej nga mbi 260 anije të mëdha me vela, të ndërtuara prej druri, nën drejtimin e funksionarit kinez Zhen He, u nis për 7 herë nga bregdeti i pjesës lindore të Kinës, duke lundruar drejt jugut dhe pastaj drejt perëndimit, arriti në mbi 30 vende dhe rajone të Azisë dhe të Afrikës, ku përhapte kulturën dhe miqësinë e Kinës, duke manifestuar edhe teknikën e lartë të ndërtimit të anijeve dhe mjeshtërinë e lundrimit detar. Në Kinë këto lundrime quhen "Zhen He shkoi me anije në perëndim" dhe kanë një histori mbi 600 vjeçare.

Por si është sot niveli i teknikës së ndërtimit të anijeve me një histori të shkëlqyer në Kinë ?

Në fakt para lundrimeve të Zhen He-së në perëndim, ishte shumë e zhvilluar teknika e ndërtimit të anijeve në Kinë, p.sh. në dinastinë Song, 400 vjet para këtyre lundrimeve, Kina ishte në gjendje të ndërtonte anije të mëdha që lundronin në det. Deri në vitet e Zhen He-së teknika e ndërtimit të anijeve prej druri ishte në nivelin më të përparuar botëror, anija "Bao" mbi 30 metra e lartë, e ndërtuar atë kohë, është e paarrishme nga asnjë vend tjetër si nga lartësia ashtu edhe nga funksionet e saj.

Por në kohët moderne, teknika e ndërtimit të anijeve mbeti prapa dukshëm, sepse anijet e ndërtuara në kohët e lashta në Kinë ishin anije me vela, me erën si forcë lëvizëse, kurse anijet e ndërtuara pas revolucionit industrial të perëndimit ishin anije me motorë me avull dhe me motorë diezel si forcë lëvizëse, këto u shpikën nga perëndimi, prandaj para mbi 100 vjetëve Kina mësonte kryesisht nga teknika e ndërtimit të anijeve e perëndimit dhe në këtë bazë është zhvilluar industria moderne e ndërtimit të anijeve.

Pas zhvillimit të mbi një shekulli, deri në fillim të viteve 90 të shekullit të 20-të, teknika e ndërtimit të anijeve ka pësuar përparime të dukshme, por vetëm mund të ndërtoheshin anije të thjeshta mallrash me konteinerë. Më vonë qeveria kineze i ka kushtuar vëmendje të madhe kësaj fushe, teknika e ndërtimit të anijeve ka bërë shumë përpara dhe tani e ka arritur nivelin e përparuar botëror.

Shoqëria e industrisë së anijeve të Kinës (CSSC) është një ndërmarrje e madhe që përgjigjet për punët e anijeve në jug të Kinës, zonja Rao Huiqun e seksionit të marrëdhënieve me jashtë të kësaj shoqërie tha:

"Mund të ndërtojmë jo vetëm anije të thjeshta, si anije mallrash, anije-cisternë, por edhe anije me teknologji të lartë dhe me vlera të lartë plotësuese, si anije të mëdha mallrash, anije të mbrojtjes së mjedisit, anije pasagjerësh dhe mallrash me shpejtësi të madhe etj."

Në të njëjtën kohë, Kina është në gjendje të ndërtojë anije me përdorim të posaçëm, p.sh. e vetmja anije e transportimit dhe montimit të paisjeve për prodhimin me erë të energjisë elektrike në det është e ndërtuar nga Kina për Anglinë. Sivjet kjo anije është vlerësuar si një nga 10 anijet e mëdha cilësore të Anglisë.

Kjo anije e montimit të paisjeve të prodhimit të energjisë elekrike me erë në det u projektua dhe u ndërtua nga një ndërmarrje tjetër e ndërtimit të anijeve të Kinës, CSIC. Përgjegjesi përkatës i kësaj shoqërie z.Huan Junmin i tha korrespondentit të radios sonë se industria e anijeve është një degë me teknikë intensive dhe vetëm duke arritur pandërprerë përparime teknike, ajo do të ketë epërsi në konkurrencën e ashpër ndërkombëtare.

"Shoqëria jonë ka 28 institute të kërkimeve shkencore, duke siguruar një mbështetje të fuqishme teknike për zhvillimin e shoqërisë. Kohët e fundit kemi forcuar bashkëpunim teknik me vende të tjera, për shumë pjesë kemi blerë patenta, ose i prodhojmë ato në bashkëpunim, prandaj niveli i ndërtimit të anijeve është ngritur dukshëm."

Tani anijet që transportojnë gaz të lëngshëm janë anijet me përmbajtjen më të lartë teknike në botë, degët e ndërtimit të anijeve të Kinës janë në gjendje të ndërtojnë anije të tilla, duke hyrë me sukses në tregun ndërkombëtar të ndërtimit të anijeve transportuese të gazit të lëngshëm. Shoqëria me përgjegjësi të kufizuar e ndërtimit të anijeve Hudong Zhonghua e Shanghait është një ndërmarrje e madhe, inxhinjeri i lartë i kësaj shoqërie z.Hu Hongmin, duke folur për ndërtimin e anijeve transportuese të gazit të lëngshëm tha:

"Teknika e ndërtimit të këtyre anijeve është ndryshe nga teknologjia tradicionale, ato ndërtohen në temperaturën 163 gradë celcius dhe saldimet e pjesëve të ndryshme kërkojnë pastërti të madhe. Ne sapo kemi filluar të ndërtojmë anije të tilla të nivelit të lartë botëror."

Për nivelin e tanishëm të ndërtimit të anijeve të Kinës, nënkryetari i Komitetit të industrisë tekniko-shkencore të mbrojtjes kombëtare, sektor që përgjigjet për industrinë e ndërtimit të anijeve të Kinës, z.Chan Guangqin ka bërë këto vlerësime:

"Përveç pak anijeve luksoze turistike, tani Kina mund të ndërtojë anije që i përgjigjen standardit ndërkombëtar dhe që mund të lundrojnë në çdo hapësirë detare."

Tani industria e ndërtimit të anijeve në Kinë zhvillohet me vrull. Para 10 vjetëve, Kina ishte vendi i 3-të në botë për ndërtimin e anijeve pas Koresë së Jugut dhe Japonisë dhe këtë vend ajo e ka ruajtur deri më sot. Zhvillimi i shpejtë i industrisë së ndërtimit të anijeve të Kinës ka tërhequr shumë pronarë të anijeve të bëjnë porosi, anijet e Kinës janë eksportuar në SHBA dhe në mbi 60 vende evropiane dhe aziatike. (Pina)