Në programin e sotëm do t'ju flasim për një grup këngësh të kënduara nga këngëtarja e re Fang Xiaoqing.

Dëgjoni......Bebe......

Kënga që po dëgjoni është një këngë popullore indoneziane e kënduar nga Fang Xiaoqing. Kjo këngë përshkruan skenën kur nëna i këndon fëmijës për të fjetur. Ndjenjat e kësaj kënge janë të sinqertë dhe ajo ka karakteristika të muzikës popullore indoneziane. Këndimi i Fang Xiaoqing-së është i këndshëm.

Kënga që sapo dëgjuat është "Bebe" e kënduar nga Fang Xiaoqing.

Fang Xiaoqing është një këngëtare e re që sapo ka filluar të ketë sukses në fushën e këngës në Kinë. Ajo u diplomua në shkollën e mesme pranë Konservatorit të Kinës dhe tani po mëson në fakultetin e këngës të Konservatorit XingHai. Njëkohësisht ajo punon edhe si këngëtare kryesore në grupin e këndimit "18 vjeçarja " dhe në grupin "Xiao Mi". Zëri e saj me stilin klasik është i trashë dhe i këndshëm. Më vonë, do të dëgjoni një këngë popullore kanadeze të kënduar nga Fang Xiaoqing. Kjo këngë titullohet "Lugina e Lumit të kuq".Kjo këngë përshkrua ndjenjat e një vajze i dashuri i së cilës do të largohet. Kjo këngë është e lehtë dhe plot frymën jete.

Në këngën këndohet se "Thuhet se do të largohesh nga fshati. Do të na marr malli për ty. Mos ik shpejtë. Duhet të kujtosh vendlindjen tënde, Luginën e lumit të kuq, dhe vajzën e dashur."

Dëgjoni......Lugina e Lumit të kuq......

Kënga që sapo dëgjuat është kënga popullore kanadeze "Lugina e Lumit të kuq" e kënduar nga Fang Xiaoqing.

Në fillim të vitit 2005, Fang Xiaoqing publikoi albumin e saj të parë me titull "Këngët e reja popullore të Fang Xiaoqing-së", në të cilin përfshihen këngë të njohura popullore të vendeve të ndryshme të botës si "Lugina e Lumit të kuq", "Bebe" etj. Në të kënduar, me aftësinë e madhe dhe zërin karakteristik, Fang Xiaoqing lidh frymën klasike të zërit me elementet e muzikës moderne, prandaj këngët e saj janë moderne por pa munguar në to tradita. Do të dëgjoni këngën popullore irlandeze "Trëndafili i fundit në verë"

Dëgjoni......Trëndafili i fundit në verë......

Kënga popullore irlandeze "Trëndafili i fundit në verë" është përhapur gjerësisht në botë. Me melodi të bukur dhe të pikëlluar, tregon hidhërimin e ndarjes.

Në fund të programit të sotëm, le ta dëgjojmë këngën nga ish-Bashkimi Sovjetik "Çel pemël e kuqe" që u këndua nga Fang Xiaoqing në albumin e saj. Me melodi të gëzuar, të lehtë dhe të këndshme, kjo këngë tregon dëshirën e vajzës për dashuri.

Dëgjoni......Çel pemël e kuqe...... (Çang Çuo)