dëgjoni

Rajoni autonom i Singjian-ujgurit që ndodhet në pjesën veri-perëndimore të Kinës, është rajoni më i madh autonom i Kinës. Në këtë rajon ka burime shumë të pasura, si naftë, gaz natyror, qymyrgur etj. Tani, Singjiangu po shpejton shfrytëzimin e epërsive të burimeve të pasura për të nxitur zhvillimin e ekonomisë.

Sipas parashikimit të institucioneve përkatëse, sasia e rezervës së naftës në Singjiang është 20 miliardë tonë, sasia e rezervës së gazit natyror është gati 11 trilionë metra kub. Mund të thuhet se në Singjiang ka epërsi të veçanta në burime dhe vitaliteti i kërkimit dhe shfrytëzimit është shumë i madh.

Sipas të dhënave statistikore, nga viti 1990 deri në vitin 2001, qeveria kineze investoi gjithësej mbi 120 miliardë juanë në shfrytëzimin e energjetikës. Në vitin 2004, Singjiangu prodhoi mbi 20 milionë tonë naftë bruto dhe shfrytëzoi mbi 5 miliardë metra kub gaz natyror. Të ardhurat e shitjes së produkteve të naftës dhe të industrisë petro-kimike i kaluan të 40 miliardë juanët. Në një intervistë për gazetarët, kryetari i rajonit autonom të Singjiang-ujgurit Ismail Kirivardi tha se industria e energjetikës me naftën dhe gazin natyror si degë kryesore është bërë një industri shtyllë për nxitjen e zhvillimit të ekonomisë së Singjiangut.

Shfrytëzimi i naftës dhe i gazit natyror ka nxitur zhvillimin e shpejtë të ekonomisë së Singjiangut. Produktet e industrive të naftës, gazit natyror dhe të qymyrgurit janë bërë të ardhurat kryesore të financave të Singjiangut, në vëllimin e shtimit të prodhimit të industrisë, vëllimi i prodhimit të naftës dhe të gazit natyror zë 60%.

Zhvillimi i shpejtë i industrisë së energjetikës jo vetëm ka plotësuar kërkesën e zhvillimit të ekonomisë së Singjiangut për energjetikën dhe për produktet e industrisë petro-kimike, por edhe ka nxitur punësimin dhe zhvillimin e industrive të makinerive, të ndërtimit etj. Ndër to infrastruktura e prapambetur e komunikacionit ka qenë një arsye e rëndësishme, që ka penguar gjithmonë zhvillimin e ekonomisë së Singjiangut. Krahas shfrytëzimit të energjetikës, transporti i Singjiangut ka patur një zhvillim të madh.

Shfrytëzimi i energjetikës ka nxitur edhe procesin e ndërtimit të urbanizimit të Singjiangut, janë ndërtuar përkatësisht një sërë qytetesh. Kramai që ndodhet në veri të Singjiangut, është një qytet i ri i ndërtuar nga mbështetja tek shfrytëzimi i naftës. Qyteti i Kramait mori emrin nga fusha e naftës e Kramait, fusha e parë dhe e madhe e naftës, e shfrytëzuar pas shpalljes së Kinës së re. Nëpërmjet zhvillimit 50 vjeçar, Kramai është bërë fusha më e madhe e naftës e Kinës perëndimore. Në vitin 2004, sasia e nxjerrjes së naftës bruto të kësaj fushe të naftës i kaloi të 10 milionë tonët. Nënkryetari i bashkisë së qytetit të Kramait z. Zhao Wusheng u tha gazetarëve se qyteti i Kramait është ndërtuar në shkretëtirë. Industria e naftës ka shpejtuar zhvillimin e këtij qyteti.

Vitin e kaluar, vëllimi i prodhimit të përgjithshëm të këtij qyteti ishte 29 miliardë e 600 milionë juanë. Vëllimi i prodhimit të industrisë së naftës dhe të industrisë petro-kimike kanë zënë 86%. Vitet e fundit, ky qytet ka patur një zhvillim të madh edhe në pyllëzimin, në mbrojtjen e mjedisit dhe në ndërtimin e qytetit.

Për të ngritur nivelin e tërësisë së industrisë së naftës dhe të industrisë petro-kimike vendase dhe për të nxitur zhvillimin e ekonomisë vendëse, sivjet qeveria kineze ka investuar mbi 20 miliardë juanë në ndërtimin e objekteve të industrisë së naftës dhe të industrisë kimike. Pas inaugurimit të këtyre objekteve, Kramai do të bëhet një nga bazat më të mëdha të naftës dhe të industrisë petro-kimike të Kinës dhe kjo do të luajë një rol të madh shtytës për zhvillimin e ekonomisë vendase.

Në Klamai, ndikimi i naftës mbi jetën e çdo banori është shumë i madh. Një naftëtar ujgur i tha gazetarit se "Unë kam punuar 18 vjet në shumë vende të Singjiangut. Tani kushtet e punës dhe të jetës së punëtorëve janë përmirësuar shumë. Të ardhurat e mia janë shtuar gjithnjë e më shumë, jeta është e pasur.

Sipas planifikimit përkatës të qeverisë kineze, në të ardhmen, shfrytëzimi i energjetikës së Singjiangut do të shpejtohet më tej. Parashikohet se deri në vitin 2010, sasia e nxjerrjes së naftës bruto të Singjiangut do të arrijë në 30 milionë tonë, sasia e prodhimit të gazit natyror do të arrijë në 18 miliardë metra kub. (Sihai)