dëgjoni

Ditët e fundit, një kontigjent veturash të reja të markës Geely u ngarkua në anije në portin e Shangait dhe u nis për në Gjermani për të marrë pjesë në Ekspozitën Ndërkombëtare të Makinave të Frankfurtit. Kështu makina kineze, realizon për herë të parë ëndrrën që të shfaqet në ekspozitën më të madhe ndërkombëtare të makinave.

Vitet e fundit makina Geely nuk është më një makinë me çmim të lirë dhe me teknologji të ulët. Nëpërmjet përgatitjes dhe të importimit të kuadrove, kjo ndërmarrje e ka ngritur aftësinë e prodhimit dhe të kërkimit dhe pa u ndier, ajo është bërë e vetmja ndërmarrje makinash në gjendje të prodhojë pjesët themelore, si motorët me fuqi të madhe, kutitë e shpejtësisë, etj.

Në Ekspozitën e Makinave të Frankfurtit, Geely do të demonstrojë 5 vetura të tipave të rinj. Fitimin e së drejtës për pjesëmarrjen në këtë ekspozitë, presidenti i Grupit Geely, z. Li Shufu e konsideron jo vetëm si një shans për shfaqjen e makinave të markës kineze, por edhe si një trampolinë që do ta çojë makinën Geely në tregun ndërkombëtar.

Në tregun kinez të makinave, është pranuar gjerësisht koncepti i z. Li Shufu, që grupi Geely duhet të "prodhojë vetura të mira dhe të përshtatshme për gjendjen ekonomike të kinezëve të thjeshtë". Sot po konkretiyohet një tjetër ëndërr e tij, që "të shiten 2/3 e veturave Geely jashtë vendit". Në vitin 2004, Grupi Geely ekspozoi 4846 vetura, duke zënë 63,7% të vëllimit të përgjithshëm të eksportimit të veturave kineze.

Për të ngritur aftësinë konkurruese të veturave të tij në tregun ndërkombëtar, Grupi Geely krijoi edhe fabrika jashtë vendit. Më 30 maj të këtij viti, ai nënshkroi një marrëveshje me kompaninë IGC të Malajzisë në Kuala-Lampur për krijimin e fabrikave të montimit të makinave me investime të përbashkëta.

Në selinë e grupit Geely në qytetin Ningbo të Kinës jugore, korrespondenti i Agjencisë Hsinhua pa prodhimin e veturave të tipit të ri me timon djathtas. Presidenti i grupit Geely, Li Shufu tha se këto vetura do të eksportohen në Malajzi. Ekonomia e Azisë jug-lindore është rritur shpejt dhe vëllimi vjetor i shitjes së makinave atje në vit pothuaj është i barabartë me atë në Kinë. Hyrja e veturave Geely në Malajzi synon pikërisht tregun e nxehtë të Azisë jug-lindore.

Li Shufu tha se "shitja e 2/3 të veturave Geely jashtë vendit" është objektivi i tij për vitin 2015. atëherë, vëllimi i përgjithshëm i prodhimit të veturave të grupit Geely do të arrijë në 2 milionë dhe ndër to 1 milionë e 400 mijë do të eksportohen ose do të prodhohen jashtë vendit. Sot, Geely fillon përpjekjet drejt këtij objektivi.

Produktet kryesore të grupit Geely janë veturat ekonomike për konsumatorët e thjeshtë. Disa vjet më parë, vetura Geely, e shitur me 30 mijë juanë, theu akullin e fortë të çmimit të veturave kineze. Sot, duke ruajtur epërsinë në çmim në krahasim me veturat e importuara dhe me veturat e markave të huaja, vetura Geely është ngritur shumë në cilësi dhe në nivelin teknik. Më e rëndësishmja është që në sajë të mekanizmit të shkathët të ndërmarrjes, grupi Geely ka tërhequr shumë kuadro teknikë kinezë dhe të huaj, të cilët kanë pasur përparime në sferën e teknologjive të larta, të cilat janë kontrolluar dikur nga vendet e zhvilluara.

Sot, grupi Geely është pritur nga personalitete largpamëse të qarqeve kineze dhe botërore të automobilave. (Wang Lei)