Vitet e fundit, për të plotësuar kërkesat e sigurimit të shëndetit të popullit dhe të zhvillimit të industrisë farmaceutike, shteti kinez mbështeti më me forca eksperimentimin dhe prodhimin e ilaçeve të reja dhe, si rezultat, u prodhuan një sasi e madhe ilaçesh të reja, me të cilat mund të kurohen sëmundje të vështira.

Eksperimentimi i ilaçeve të reja është një proces i ndërlikuar dhe i gjatë, që kërkon një sasi të madhe fondesh dhe paisjesh si dhe personelin kërkimor të nivelit të larë. Sipas përvojës së vendeve të tjera, për eksperimentimin dhe prodhimin e një lloj ilaçi duhen qindra milionë dollarë amerikanë dhe një kohë e gjatë, 5 deri në 10 vjet.

Në vitet e saj të para, Republika Popullore e Kinës kishte potencial të dobët shtetëror dhe teknikë të prapambetur, prandaj ajo ndoqi një rrugë imitimi për prodhimin e ilaçeve, me qëllim që të sigurohej shëndeti i popullit kinez qindra milionësh. Asokohe, kinezët importonin disa lloje ilaçesh nga vende të tjera dhe, nëpërmjet analizave të përbërjes kimike, fillonin prodhimin e tyre në mënyrë të imitimit. Në këtë mënyrë, Kina prodhoi antibiotikët dhe disa lloje të tjera ilaçesh, me të të cilat mund të kuroheshin sëmundje që shfaqeshin dendur. Kështu që, u ngrit niveli shëndetësor i masave popullore.

Gjatë 20 e ca vjetëve të fundit, ekonomia kineze u zhvillua në mënyrë të vazhdueshme dhe me ritëm të shpejtë, si rezultat, potenciali shtetëror u rrit dukshëm. Ndërkohë, edhe shkenca dhe teknika në Kinë patën një përparim shumë të madh. Në këtë gjendje të mirë, qeveria kineze i kushtoi rëndësi gjithnjë e më të madhe punës së eksperimentimit dhe prodhimit të ilaçeve të reja. Në vitin 2000, Ministria e Shkencës dhe Teknikës e Kinës vendosi një objekt të rëndësishëm kërkimor me një afat 5 vjetësh, objektin e "krijimit të ilaçeve të reja". Funksionari i Ministrisë së Shkencës dhe Teknikës të Kinës, Vang Xiaofang, që është një nga përgjegjësit në këtë objekt, tha:

"Ky objekt ka qëllim për formimin dhe përsosjen në mënyrë fillestare të një sistemi kinez të eksperimentimit dhe prodhimit të ilaçeve të reja dhe për krijimin e produkteve të reja farmaceutike me patentat tona. Prodhimi i ilaçeve të reja në Kinë do të shndërrohet nga 'imitimi ' në 'krijimin e të rejave', në mënyrë që të formohet sa më parë një industri farmaceutike me karakteristika kineze."

Ky përgjegjës tha gjithashtu se, në zbatimin e planit të këtij objekti, 22 lloj produktesh kanë fituar tashmë mandate të ilaçeve të reja dhe janë ratifikuar për prodhimin në seri, kurse 140 lloje të tjera të produkteve të reja janë në provë klinike ose janë gati për të fituar patentat e produkteve të reja.

Një nga ileçet e reja, që sapo fituan patentën, është ilaçi Taixinsheng, që është një lloj ilaçi për kurimin e kancerit. Ky ilaç është prodhuar nga kompania Baitaisheng, një kompani aksionare e farmaceutikës bioteknike. Kryetari i këshillit të kësaj kompanie, zoti Bai Xianhong tha se ilaçi Taixinsheng, që është eksperimentuar dhe prodhuar me bioteknikën moderne, mund të shpejtojë zhdukjen e qelizave të kancerit dhe të pakësojë afekt negativ. Prandaj ai mund të ngrejë dukshëm përqindjen e kurimit të kancerit. Ai tha:

"Ky ilaç, pasi futet në trupin e njeriut, mund bëjë efekt për qelizat e kancerit dhe pothuajse nuk dëmton qelizat e shëndosha. Ai ka epërsi të dukshme në krahasim me radioterapinë dhe kimioterapinë që janë terapi tradicionale të kurimit të kancerit. Nga provat klinike për kurimin e kancerit të hundës del se ky ilaç ka efet të mirë kur përdoret veças, pa përdorur radioterapinë dhe kimioterapinë. Prandaj themi se ky ilaç është një lloj ilaçi me perspektivë të ndritur. Tani për tani, ky ilaç përdoret kryesisht për kurimin e tumorëve në qafë dhe në kokë."

Një ilç tjetër i ri është ilaçi Stahilokinase Rekombinante për injeksion. Ky është një lloj ilaçi të shkrirjes së trombusit për kurimin e infarktit akut, është edhe ilaçi i parë stahilokinas për shkrirjen e trombusit, që ka fituar në arenën ndërkombëtare mandatin e prodhimit. Ai e shkrin trombusin shpejt dhe në mënyrë të sigurt dhe riqarkullon mbi 82% të anëve të gjakut. Ky ilaç ka epërsi edhe në koston e ulët të prodhimit, gjë që pakëson shpenzimet e mjekimit të pacientëve.

Krahas prodhimit të një sasie ilaçesh të reja, punonjësit e shkencës dhe teknikës, që marrin pjesë në objektin e "krijimit të ilaçeve të reja", i kushtojnë vëmendjen teknikës kyçe të eksperimentimit të ilaçeve të reja, bëjnë përpjekje për vendosjen e një sistemi pune që përputhet me kushtet konkrete të Kinës, si rezultat, kapaciteti i kësaj industrie në Kinë u rrit dukshëm. Zv-ministri i Shkencës dhe Teknikës Liu Yanhua tha:

"Pas përpjekjeve tona shumëvjeçare, në vendin tonë është krijuar tashmë një ambient relativisht i mirë i eksperimentimit dhe prodhimit të ilaçeve të reja dhe janë shtuar investimet, si rezultat, kapaciteti i kësaj dege të industrisë është ngritur në një shkallë më të lartë."

Objekti i "krijimit të ilaçeve të reja" do të përfundojë në fund të këtij viti. Zv-ministri Liu Yanhua tha se, mbi këtë bazë, do të marrim masa të tjera për të përkrahur eksperimentimin dhe prodhimin e ilaçeve të reja, me qëllim që të prodhohen sa më shumë ilaçe të reja të çmimeve të ulëta dhe me efekt të mirë.

(Zheng)