Dëgjoni

Xi Xiulan është një këngëtare hongkongase. Ajo u ka pëlqyer shumë muzikëdashësve të këngëve popullore. Kënga që po dëgjoni është një këngë tajvaneze, e titulluar "Vajzat e Malit Ali". Nëpërmjet një melodie të rrjedhshme dhe fjalëve të bukura, në këtë këngë tregohen panoramat e bukura të Tajvanit dhe dashuria e banorëve të atjeshëm ndaj vendlindjes së tyre.

Kjo këngë u përhap shpejt dhe gjerësisht në tërë vendin pasi Xi Xiulan e këndoi në Mbrëmjen Artistike me rastin e Festës së Pranverës të vitit 1984, të organizuar nga CCTV-i, Televizioni Qendror i Kinës. Tani, le të shijojmë tjetër këngë të kënduar nga Xi Xiulani atë që titullohet "Të vjelë Binlang".

Dëgjoni 

Kjo është një këngë tradicionale popullore që është e përhapur në provincën Hu Nan të Kinës jugore. Binlangu është një lloj fruti i veçantë që gjendet vetëm në krahinat jugore të Kinës. Në këtë këngë përshkruhet një talbo kur të rinjtë e të rejat vendëse vjelin të gëzuar binlang, në verë, stinë kur binlangu piqet.

Në vitin 1950, Xi Xiulan lindi në provincën An Hui të Kinës lindore. Opera e bukur vendëse Huang Mei i la një përshtypje të thellë dhe i ngjalli interesa Xi Xiulanit të vogël në këndim. Kur ajo ishte 10 vjeçe, familja e saj u zhvendos në Hong Kong. Në vitin 1968, në një konkurs të këndimit për këngëtarë amatorë, Xi Xiulan pati rezultat të mirë dhe fill pas kësaj filloi karierën e saj artistike.

Dëgjoni

Kënga që po dëgjoni titullohet "Përroi gjarpëron". Në këtë këngë vlerësohet dashuria midis të dashuruave, që quhet ndryshe "Serenadë orientale". Kjo është një këngë mali e përhapur në përmasa të mëdha në provincën Jun Nan të Kinës jugperëndimore. Nëpërmjet një melodie të rrjedhshme dhe ritmeve të ngadalta, në këtë këngë tregohet malli i thellë i një vajze për të dashuruarin e saj.

Në sajë të zërit të pastër e të bukur, Xi Xiulan mund të këndojë këngë të stileve të shumta, pavarësisht se ato janë për lavdërimin e pejsazhit të bukur të vendit apo për dashurinë midis të dashuruarve. Duke edhe shtuar ndjenjat e veta me mjeshtrinë e regjur të këndimit, ajo u krijon dëgjuesve një tablo të bukur të këngëve popullore të Kinës. Tani, ju ftojmë të shijoni një këngë popullore të përhapur në provincën Jun Nan, atë që titullohet "Pa shi, lulet nuk do të jenë të bukura". Ndiqeni!

 Dëgjoni(Çan Yean)