Të dashur lexues, ju përshëndes përsëri në programin tonë muzikor. Në rubrikën "Muzikë Pop" do të dëgjoni disa melodi kombëtare dhe muzikë Rok. Muzika Rok u shfaq në Amerikë në vitet 50' të shekullit 20. Në atë kohë, këngëtarët e muzikës kauntri në perëndim të Amerikës thithën elementet muzikore nga muzika të zezakëve dhe krijuan gradualisht muzikën Rok.

Grupi kinez Rok "Dinastia Tang" ka përzier meloditë kombëtare me muzikën Rok, duke krijuar stilin kinez të muzikës Rok. Anëtarët e këtij grupi janë kryeneçë, me flokë të gjata dhe kanë njohuri muzikore të bollshme. Në programin e sotëm, do t'ju paraqes grupin muzikor "Dinastia Tang" dhe disa melodi të tyre.  dëgjoni

Do të dëgjoni tani këngën e njohur të këtij grupi "Në ëndërr, jemi kthyer në dinastinë Tang", e cila është kolona zanore e albumit të parë të tyre. Këngëtari kryesor Ding Wu këndon sipas stilit të operës së Pekinit. Kitaristi Lao Wu ka krijuar një mënyrë të veçantë të rënies së kitarës për këtë këngë.

Grupi muzikor "Dinastia Tang" u krijua në vitin 1988. Në procesin e rritjes, ky grup ka hasur shumë vështirësi. Pas nxjerrjes së albumit të parë në vitin 1992, këngët e këtij grupi u bënë shumë të njohura në qarqet e muzikës Pop dhe u radhitën në listën e muzikës më të mirë të Radiove në mbarë Kinën. Në atë vit, ky grup muzikor u bë "Fenomeni kulturor të cilit Azia i kushton më shumë rëndësi".

  dëgjoni

Do të dëgjoni këngën me titull "Ëndrra e hënës". Zëri i Ding Wu-it është kumbues, me të cilin na kujton lulëzimin e Kinës në Dinastinë Tang. (nga viti 618 deri në vitin 907 të erës së re) Teksti i kësaj kënge paraqitet si një poemë, e cila ka veçori kombëtare.

 dëgjoni

Krahasuar me albumin e parë të këtij grupi muzikor, albumi i dytë i tij ka këngë më të gjata. Për shembull, kënga "Yan Yi" zgjat 9 minuta, ndërsa kënga "mysafirët nga vendet e huaja" zgjat 11 minuta. Do të dëgjoni tani këngën me titull ""Yan Yi". Përveç stilit "Metal", këngët e këtij albumi kanë edhe stile të tjera. "Yan Yi" është rikompozuar nga vepra e njohur klasike kineze "Tregimet e tri shteteve".

Grupi muzikor "Dinastia Tang" ka përzier kulturën tradicionale kineze me muzikën moderne duke na dhënë melodi të shkëlqyera. Këngëtari kryesor Ding Wu thirret "John Lennon" nga qarqet e muzikës Rok në Kinë. Ai është kyçi i këtij grupi dhe vlerësohet lart nga qarqet e muzikës Rok. Ding Wu ka mësuar t'i bjerë veglës muzikore Gu Qin nën drejtimin e një veterani, Li Xiangting. Ding Wu ka përzier melodi të interpretuara me Gu Qin në muzikën Rok të tij. 

  dëgjoni

Do të dëgjoni tani këngën me titull "Fantazia juaj". Kur ishte i famshëm, "Dinastia Tang" u vlerësua si fillimi i ri i kulturës aziatike. Por në të vërtetë, shumë adhurues të muzikës pop nuk mund ta kuptojnë muzikën e "Dinastisë Tang". Megjithatë, "Dinastia Tang" u shpreh se vetëm shpreson që njerëzit të dinë që një grup rinjsh e pëlqejnë muzikën. Në fund do të dëgjoni këngën me titull "Mirupafshim!".

 dëgjoni  (U Sen)