Në vitin 2004, për të forcuar bashkëpunimin ekonomik të rajonit të pandeltës së lumit Zhujiang dhe për të nxitur zhvillimin e përbashkët të gjithë rajonit, 8 provinca e një rajon autonom, si dhe Honkongu dhe Makaoja brenda këtij rajoni të pandeltës organizuan bashkarisht Forumin e 2-të të bashkëpunimit dhe të zhvillimit të rajonit të pandeltës së lumit Zhujiang. Në këtë forum, palët e ndryshme përkatëse nënshkruan një marrëveshje, ku do të merren në konsideratë veçanërisht infrastruktura, industria e investimet, biznesi e tregtia, turizmi etj si fushat më kryesore të bashkëpunimit të këtij rajoni. Nënshkrimi i kësaj marrëveshjeje tregon se bashkëpunimi i rajonit të pandeltës së lumit Zhujiang ka hyrë zyrtarisht në fazën e zbatimit. Duke folur për gjendjen e progresit të bashkëpunimit të rajonit të pandeltës së lumit Zhujiang, kryetari i provincës Guangdong, z. Huang Huahua, që mori pjesë në këtë forum, u tha gazetarëve se

gjatë  vitit të kaluar, me përpjekjet e përbashkëta të administratave të palëve të ndryshme dhe të qarqeve të ndryshme të rajonit të pandeltës së lumit Zhujiang, bashkëpunimi i ndërmarrjeve të këtij rajoni ka patur efektivitetin e dukshëm. Ne kemi krijuar platformën e bashkëpunimit të ndërmarrjeve të këtij rajoni, kemi krijuar sistemin e bashkëpunimit dhe Fushat e bashkëpunimit janë zgjeruar pandërprerë. Progresi i bashkëpunimit në disa fusha kryesore është i mbarë.

Personalitetet përkatëse janë të mendimit se bashkëpunimi i rajonit të pandeltës së lumit Zhujiang ka zgjidhur në përgjithësi

mungesën e burimeve natyrore dhe të krahut të punës të provincës Guangdong, të Honkongut, të Makaos dhe të zonave të tjera me ekonomi relativisht të zhvilluar gjatë procesit të zhvillimit.

Sipas njoftimeve, në bisedimet e bashkëpunimit ekonomiko-tregtar të rajonit të pandeltës së lumit Zhujiang, që u mbajtën bashkarisht me forumin e 2-të, objektet e prodhimit të energjisë elektrike me gaz natyror, të industrisë së energjetikës, të industrisë kimike dhe objekte të tjera, të paraqitura nga qyteti Dazhou i provincës Siçuan, kanë tërhequr shumë investues. Më në fund, 5 ndërmarrje të këtij rajoni nënshkruan marrëveshje të investimeve me qytetin Dazhou, vëllimi i përgjithshëm i investimeve i kaloi të 14 miliardë juanët. Kryetari i bashkisë së këtij qyteti Li Xiangzhi tha se këto objekte të shfrytëzimit të burimeve energjetike do t'u sjellin dy palëve të bashkëpunimit shanse të zhvillimit.

Kombinimi i fondeve, i teknologjisë dhe i konceptit të administrimit të përparuar të zonave bregdetare me burimet dhe industritë e krahinave të brendshme ka krijuar një gjendje të leverdisë reciproke dhe të përfitimeve të përbashkëta. Për të shpejtuar shfrytëzimin dhe përdorimin kompleks të burimeve të gazit natyror të qytetit Dazhou, ne do të shtojmë ndërtimin e infrastrukturës, do të japim shërbimet më të mira, në mënyrë që të sigurohet suksesi i bashkëpunimit.

Sipas njoftimeve, gjatë bisedimeve të bashkëpunimit ekonomiko-tregtar, palët  përkatëse nënshkruan mbi 4400 objekte të bashkëpunimit, vëllimi i investimeve në kontrata arriti në 450 miliardë juanë, duke u shtuar 150 miliardë juanë në krahasim me bisedimet e edicionit të kaluar.

Si anëtarë kryesorë në bashkëpunimin e rajonit të pandeltës së lumit Zhujiang, Honkongu dhe Makaoja janë vendburimi kryesor i investimeve brenda rajonit. Deri tani, investimet e Honkongut në provinca ose rajone të ndryshme të rajonit të pandeltës së lumit Zhujiang arritën në 150 miliardë dollarë amerikanë. Në këtë forum, kryeadministratori i rajonit të posaçëm administrativ të Honkongut tha se Honkongu do të luajë një rol pozitiv në bashkëpunimin e këtij rajoni.  (Sihai)