Lidhja e pazgjidhshme midis Olimpiadës dhe muzikës, në fund të fundit, vjen nga lidhja e lëvizjes sportive me muzikën. Në thelb, sporti dhe muzika synojnë bukuri dhe harmoni dhe të dyja karakterizohen nga "lëvizja". Në disa disiplina sportive, muzika është pjesë e pandashme përbërëse. P.sh. lëvizjet ritmike dhe baleti në ujë duhet të shoqërohen me muzikë.

Në Lojërat Olimpike moderne, roli i muzikës mishërohet në dy anë. Së pari, në kuadrin e zhvillimit të Lojërave Olimpike, për të përhapur idenë olimpike dhe për të zgjeruar ndikimin e Lojërave Olimpike do të organizohen një sërë aktivitetesh festive artistike, duke përfshirë edhe muzikën, si koncerte klasike, opera, festivale folklorike, etj. Së dyti, roli më i rëndësishëm i muzikës në Olimpiadë është pjesëmarrja e saj e drejtpërdrejtë në Lojërat Olimpike, p.sh. në ceremonitë e hapjes, të mbylljes dhe të dekorimit me medalje.

Në historinë e Olimpiadës moderne, kënga e parë tematike për Lojërat Olimpike, "Hymni Olimpik" lindi në Lojërat e para Olimpike të Athinës. Kjo këngë u kompozua nga kompozitori grek Spyros Samcras dhe miku i tij, poeti grekCostis Palamas shkroi tekstin e këngës. Në ceremoninë e hapjes, Samcras drejtoi nga afër filarmoninë e përbërë nga 9 orkestra dhe korin prej 250 vetash. Në Athinën e atëhershme, një shfaqje e tillë ishte me përmasa të papara dhe pati jehonë të madhe. Por vetëm pas 60 vjetësh, në vitin 1958 kjo këngë u përcaktua nga Komiteti Olimpik Ndërkombëtar si Kënga Olimpike zyrtare.

Krahas Hymnit Olimpik, në Lojërat Olimpike janë krijuar edhe këngë të tjera tematike olimpike të famshme. Në Lojërat Olimpike të Los-Anxhelosit më 1932, të Helsinkit më 1952 dhe të Melburnit më 1956 u përdor kënga tematike "Oda Olimpike". Në Lojërat Olimpike të Romës më 1960 u zgjodh pjesa "Oda e Diellit" nga opera e Maskagnit "Ylberi" si këngë tematike.

Në Lojërat Olimpike të Seulit më 1988, kënga tematike, "Dorë për dorë" (ang. Hand in hand)u kompozua nga Morrikone, profesor i Konservatorit të Milanos në Itali ndërsa teksti u krijua nga amerikani Uitlok (ang. Whitlock). Kjo këngë u përhap në mbarë botën në kuadrin e Lojërave Olimpike të Seulit dhe nganjëherë u radhit në vendin e parë në "Top 10" të këngëve të preferuara në 17 vende. Edhe kënga tematike e Lojërave Olimpike të Barcelonës më 1992, "Barcelona" është vepër e Morrikones. Ndryshe nga nxehtësia dhe gëzimi i këngës "Dorë për dorë", "Barcelona" kombinon adaxhion (ang.) me ritmet e shpejta, duke pasqyruar aspiratën e Olimpiadës për paqe dhe miqësi.

Muzika është bërë një gjuhë simbolike për të nxitur Olimpiadën në mbarë botën dhe me këtë gjuhë, ideja olimpike është bërë më e pranueshme. (Wang Lei)