Agjencia kineze e lajmeve Zhongxin njoftoi se në kuadrin e 60-vjetorit të luftës së popullit kinez kundër pushtuesve japonezë dhe të fitores së luftës botërore antifashiste, Drejtoria Shtetërore e Radio-Film-Televizionit të Kinës organizoi kinostudio të krahinave të ndryshme për xhirimin e një numri filmash artistikë me temën e luftës së popullit kinez kundër pushtuesve japonezë si sfond. Ndër këta filma kryesorët janë : filmi artistik " Në malin Tajhang ", " Nëna ime Zhao Yiman ", filmi dokumentar " Për arritjen e fitores ", filmi vizatimor " Ushtaraku i vogël Zhang Ga ".

Ndër ta, filmi " Në malin Tajhang " i xhiruar nga kinostudioja " l gusht " me pamje madhështore të luftës të krijuara me kompjuter do të jetë për spektatorët një befasi. Drejtuesit përkatës të Drejtorisë Kinematografike të Kinës janë të mendimit se ky film me temë historike revolucionare kineze dhe të luftës ka një koncept të ri në krijimtari, ka nivel të lartë interpretimi dhe regjisorial dhe teknologji të reja e të përparuara.

Në këtë film pasqyrohen në mënyrë të përqendruar disa beteja madhështore nga shtatori i vitit 1937 deri në maj të vitit l940, si fitorja e madhe e betejës në Pingxingguan, beteja në Yangmingbao ku u vra një gjeneral i njohur japonez, beteja në Kodrën Huantuling etj. Ky film pasqyron edhe luftën e përgjakshme të komandantëve dhe ushtarakëve të Armatës së 8-të të udhëhequr nga Partia Komuniste e Kinës, e kryesuar nga Zhu De si dhe rrugën e vështirë për krijimin dhe ndërtimin e bazës mbështetëse të revolucionit. Një gazetar që pa filmin tha se ky është filmi më i mirë me temën nga lufta që pas daljes së filmit " Lufta për jetë a vdekje ".

Krahas këtyre, do të vihen në ekran edhe filmat artistikë " Gjaku i hekurt ", " Sulmet e stepës nga ujqit ", " Ngushtica misterioze ", " Gjykimi i madh ndërkombëtar " etj. Këta filma me temë dhe stile të ndryshme, do t'u tregojnë nga këndvështrime dhe aspekte të ndryshme spektatorëve heroizmat dhe frymën patriotike kombëtare të popullit kinez në luftën e paepur, mostrembjen para sakrificave gjatë rezistencës kundër pushtuesve japonezë.

4 filma kryesorë si " Në malin Tajhang", " Për arritjen e fitores ", " Nëna ime Zhao Yiman " dhe " Tempulli Xixia në vitin l937" u shfaqën së pari në kinemanë e Drejtorisë së Përgjithshme Shtetërore të Radio-Film-Televizionit të Kinës.

Nga tani e deri në tetor, filmat e sipërpërmendur do të shfaqen në kinema të krahinave të ndryshme të mbarë vendit. ( Zhai)