Para nisjes për në këtë kampionat, delegacioni kinez caktoi si objektiv fitimin e një medaljeje të artë. Por kampionia e Lojërave Olimpike të Athinës Luo Xuejuan zuri vetëm vendin e 4-t në garën e notit bretkosë 100 metra për femra dhe vendin e 7-të në garën e notit bretkosë 50 metra për femra. Kryetari i delegacionit kinez dhe shefi i qendrës administrative të notit të Drejtorisë së Përgjithshme Shtetërore të Fizkulturës të Kinës Li Hua shprehu keqardhjen për këtë rezultat. Ai tha:

"Lëndimi para kampionatit ndikoi në rezultatin e Luo Xuejuanit. Lojtarja tjetër Gao Chang kishte mundësi të fitonte medaljen e artë në garën e notit shpinë 50 metra për femra, por ajo është shumë e re dhe i mungon përvoja, dhe në fund zuri vendin e dytë."

Në kampionatin botëror të notit të zhvilluar në vitin 2001 në Fukuoka të Japonisë, ekipi kinez fitoi 2 medalje të arta, kurse në kampionatin e vitit 2003, fitoi 3 të tilla. 4 prej këtyre medaljeve të arta janë fituar nga Luo Xuejuan. Tani problemi më i madh i ekipit kinez të notit është që i mungojnë sportistë të shquar si Luo Xuejuan.

Trajneri i përgjithshëm i ekipit kinez të notit Zhao Ge analizoi se pas Lojërave Olimpike të Athinës, ekipi kinez nuk ka patur progres, në krahasim me ekipet e forta të notit si ekipi australian, ekipi amerikan, ekipi japonez etj, mënyra e stërvitjes dhe teknika e ekipit kinez janë të prapambetura, ai tha:

"Jam i mendimit se këto ekipe kanë trajnerë të aftë me përvojë. Ne jemi larg prej tyre."

Për t'i përgatitur për Lojërat Olimpike të Pekinit të vitit 2008, ekipi kinez i atletikës ka dërguar sportistë të shquar në vende me sport të zhvilluar për stërvitje. Për shembull tani kampioni i Lojërave Olimpike të Athinës Liu Xiang po bën stërvitje në Francë. Në fillim të vitit të ardhshëm, ekipi kinez do të dërgojë edhe 5 sportistë të rinj të shquar në SHBA për stërvitje. Shefi i qendrës administrative të notit Li Hua u shpreh se ekipi kinez i notit ka plan të dërgojë sportistë në vende të nivelit të lartë për stërvitje. Ai tha:

"Do të ftojmë specialistë të huaj në Kinë për leksione dhe do të dërgojmë sportistë kinezë në vende të tjera për të bërë stërvitjen së bashku me lojtarë të huaj."

Megjithëse në këtë kampionat të notit, ekipi kinez nuk pati rezultate të kënaqshme, disa lojtarë të rinj kanë perspektivë të mirë. Në garën e notit shpinë 50 metra për femra, 18-vjeçarja Gao Chang theu rekordin botëror dhe fitoi medaljen e argjendtë. 18-vjeçari Wu Peng fitoi medaljen e bronztë në garën e notit flutur 200 metra për meshkuj. 14-vjeçarja Zhao Qing që mori pjesë për herë të parë në kampionatin botëror hyri në finale. Këta lojtarë janë shumë të rinj, ata janë shpresa e notit kinez në Lojërat Olimpike të Pekinit. (Fani)