5 qershori është dita më e zënë me punë për familjen e Xu Chengkunit, fshatar i fshatit Sanbanshi pranë qytetit Wendeng të provincës Shandong, në Kinën lindore. Këtë ditë, familja e tij prej 4 veta priti mbi 80 turistë të huaj dhe të ardhurat neto të fituara kësaj dite kaluan rrogën mujore të një funksionari qeveritar vendës.

Fshati Sanbanshi gjendet buzë malit Kunyu, ku është krijuar parku pyjor shtetëror. Cdo vit, për një muaj qysh nga dita e tretë e majit konsiderohet si stina e pjekjes së qershisë. Një shprehje vendase thotë se "Qershia e ëmbël është vështirë të merret", sepse me të hyrë në periudhën e pjekjes, qershia bie vetvetiu.

Vitet e fundit, në qytet është përhapur turizmi ekologjik. Fshati malor Kunyu, që ndodhet afër qyteteve të mëdha bregdetare Yantai dhe Weihai, ka tërhequr gjithnjë e më shumë qytetarë që shkojnë në mal për turizëm dhe për dëfrim. Vecanërisht në stinën e pjekjes së qershisë, ka më shumë qytetarë që dëshirojnë të shkojnë në mal.

Ashtu si shumë vende malore, fshati i Xu Chengkun e pa stinën e pjekjes së qershisë si rast të mirë tregtar dhe eshfrytëzoi këtë rast. Ai u ka dhënë numrin e telefonit të shtëpisë së tij agjencive turistike në qytete përreth; nën administrimin unik të qeverisë lokale, u ka ofruar turistëve të mbledhin qershi edhe hanë guzhinën fshatare; ka printuar hartën e rrugës dhe numrin e tij të telefonit në pakon e qershisë.

Këtë vit, duke shfrytëzuar këte epërsi të frutit të qershisë, Bashkia e qytetit Wendeng organizoi fetivalin e parë të qershisë të malit Kunyu. Para pjekjes së qershisë, me organizimin e qeverisë, mediat vendase dhe agjencitë turistike përhapën lajmin e këtij festivali në përmasa të mëdha, duke e lidhur vjeljen e qershisë me zinxhirin e industrisë së turizmit ekologjik të këtij qyteti. Fshatari Xu Chengkun bëri një statistikë fillestare, në stinën vjeljes së qershisë të sivjetshme, familja e tij priti mbi 400 turistë.

Sipas një funksionari të qytetit Wendeng, ky festival i qershisë u ka sjellë të ardhura të drejtpërdrejta prej 1,3 milionë juanësh fshatarëve, ndërsa të ardhurat e sektorëve përkatës, si të turizmit, të ushqimeve, etj. i kanë kaluar 5 milionë juanë. Drejtori i Drejtorisë së Turizmit të qytetit Wendeng, z. Yu Jianping tha se gjatë gjysmë muajit të festivalit të qershisë, afro 150 mijë turistë kinezë dhe të huaj shkuan në zonën malore Kunyu për tematik "vjelja e qershorit".

Tani fshatarët planifikojnë të zgjatin edhe më tej zinxhirin e industrisë së qershisë. Disa fshatarë të shkathët importuan variantin e ri të qershisë, që do të luajë rol pozitiv për shtimin e të ardhurave të tyre. (Wang Lei)