Deri më sot, Lojërat moderne Olimpike janë zhvilluar si një nga aktivitetet më të mëdha ndërkombëtare. Dhe qytete të ndryshme në të gjithë botën bëjnë gjithçka, për të fituar të drejtën për organizimin e këtyre Lojërave. Por a e dini që afro një qind vjet më parë, Lojërat Olimpike nuk kanë patur rëndësinë që kanë sot dhe në vitin 1900 thjesht ka qenë një pjesë të Ekspozitës Botërore të Parisit.

Në vitin 1894, kur u organizua në Paris mbledhja botërore e sportit, themelluesi i Lojërave Olimpike, Pierre de Coubertin, për të zgjeruar ndikimin e Lojërave Olimpike, propozoi që të organizohen Lojërat e Para Olimpike në Paris në të njejtën kohë me Ekspozitën Botërore të vitit 1900. Na vjen keq që propozimi i tij u mohua. Por duke marrë në konsideratë kontributin e tij për rilulëzimin e Lojërave Olimpike, u vendos të organizohen Lojërat e 2-ta Olimpike bashkë me Ekspozitën Botërore të vitit 1900 në Paris.

Por për fat të keq, Parisi i atherëshëm nuk i priti Lojërat Olimpike me pasion të madh. Synimi i Coubertinit për rritjen e ndikimit të sporteve olimpike nuk u realizua. Qeveria franceze i kushtoi më shumë rëndësi Ekspozitës Botërore që do të organizohej në vitin 1900. Përgjegjesi për organizimin e Lojërave të 2-ta Olimpike, Arfred Picarr, i cili ishte edhe përgjegjësi për organizimin e ekspozitës botërore është një person i painteresuar për sportin, ai ishte i ftohtë ndaj propozimeve të paraqitura nga Coubertini për organizimin e Lojërave Olimpike. Picarr ia kushtoi vëmendjen e tij kryesore Ekspozitës Botërore, ndërsa ai nuk pati ndonjë plan të mirë për Lojërat Olimpike. Ai jo vetëm nuk investoi shumë fonde për organizimin e Lojërave Olimpike dhe ndërtimin e stadiumeve sportive, por edhe nuk përgatiti asnjë afat të hollësishëm për datat dhe vendet e garave, etj. Coubertini bëri gjithçka dhe shkoi te shumë organizata të tjera për ndihmë, por asgjë nuk u arrit. Dhe më pas, ai u largua nga komiteti organizativ i Lojërave Olimpike. Coubertini shkroi në ditarin e tij një fjali të tillë: "Në këtë botë ka një vend që është shumë i ftohtë për Lojërat Olimpike, ai është Parisi."

Lojërat e 2-ta Olimpike filluan më 20 maj dhe u mbyllën më 28 tetor. Programi i garave është shumë i shtrirë, p.sh, ndeshjet e skermës u organizuan në muajin qershor, atletika ishte në muajin korrik, garat e notit dhe garat barkas ishin në muajin gusht, garat e çiklizimit në muajin shtator... ... Krejt Lojërat zgjatën 5 muaj dhe u konsideruan si maratona e Lojërave Olimpike. Për më tepër, Komiteti organizativ e vendosi të organizohen garat e ndryshme olimpike në 16 zonat industriale të Ekspozitës Botërore, p.sh, ndeshjet e skermës zhvilloheshin në pavionin industrial për prodhimin e shpatave dhe thikave, garat barkas në pavionin e sistemit për shpëtim. Kështu, Lojërat Olimpike u shndërruan në një pjesë të Ekspozitës Botërore si një shfaqje spektakolare sportive. Pas disa garave, disa sportistë ende nuk e dinin që kishin marrë pjesë në garat e Lojërave Olimpike.

Megjithëse Parisi ishte i ftohtë për organizimin e Lojërave Olimpike, pamjet e tij të bukura kishin tërhequr shumë vizitorë nga vende të ndryshme. Vendet pjesëmarrëse ishin 21, sportistët ishin 1339, këto shifra ishin më të larta se në Lojërat e Para Olimpike të Athinës. Krahas këtyre, garat në ekip u caktuan si gara olimpike dhe në disa gara u arritën rekorde të reja. (Jiang Lei)