Pekini ka një histori 3000 vjeçare dhe emri i tij më i hershëm ka qenë Jincheng. Në shekullin e 11-të para erës së re, sundimitari i dinastisë Zhou, që quhej biri i Qiellit dhe që ishte sundimtari suprem i mbarë vendit, kishte emëruar shumë principata, por krahas zhvillimit të historisë fuqia e "Birit të Qiellit" u zvogëlua dhe ai u bë gradualisht një person simbolik dhe midis principatave shpërthyen vazhdimisht luftra. Deri në shekullin e 5-të para erës së re, disa principata të vogla u aneksuan dhe mbetën vetëm 7 më të mëdha, që quheshin "7 fuqitë ndërluftuese". Midis tyre, më i fuqishmi ishte shteti Qin në veriperëndim, kurse më i vogli ishte shteti Yan në lindje, me qytetin Jincheng si kryeqytet, sot Pekini. Edhe pre ishte më i vogli, shteti Yan u ka lënë pasardhësve kujtime të paharrueshme.

Në shekullin e 3-të para erës së re, shteti Qin në veriperëndim, duke zbatuar doktrinat reformuese të politikanit Shang Yang, zhvilloi një sërë transformimesh, si rezultat u fuqizua më tej dhe zhduku radhazi 5 nga të 7 "fuqitë ndërluftuese", vetëm shteti Yan në lindje mbeti pa u prekur. Princi trashëgimtar i shtetit Yan dërgoi një atentator për të vrarë mbretin e Qinit, por atentatori dështoi dhe u vra. Ky incident e inatoi mbretin e shtetit Qin, Yin Zheng. Ai menjëherë vuri në veprim trupat ushtarake dhe e zhduku shtetin Yan, duke kryer përfundimisht bashkimin e vendit. Në vitin 221 para erës së re, ai shpalli formimin e dinastisë Yin, me pushtet të centralizuar qendror dhe ai vetë u bë perantori i parë i dinastisë së bashkuar në historinë e Kinës. Pasardhësit e quajtën atë "Qin Shihuang", që do të thotë perantori i parë i Qinit.

Në disa vepra letrare klasike kineze, dënohet veprimi i shtetit Qin dhe lavdërohet veprimi i shtetit Yan, bile gjejnë edhe vargje që i thurin lavdi atij atentatori: "Fryn erë dhe rrjedh uji i ftohtë i lumit Yi; iku trimi dhe nuk kthehet më". Kurse shumica e historianëve janë të mendimit se ndarja e gjatë dhe luftrat e vazhdueshme në atë peridhë i sollën popullit katastrofa të mëdha, populli priste me etje paqen dhe bashkimin, prandaj ishte i drejtë veprimi i shtetit Qin që ishte i vendosur për realizimin e bashkimit, dhe ishte i kotë dhe i padobishëm veprimi i shtetit Yan, që orvatej të ndalte atë rrymë historike.

Pasi u zhduk shteti Yan, kjo zonë ka ruajtur gjithmonë emërtimin Yan. Në fillim të shekullit të 10-të të erës së re, kombësia Qitan, një nga pakicat kombëtare të Kinës së lashtë, krijoi mbretërinë me emërtimin Liao në kundërvënie me pushtetin qendror. Ajo shtiu në dorë 16 qarqet e Yu-Yanit, duke përfshirë qytetin Jincheng, Pekinin e sotëm. Ata e zëvendësuan emërtimin Jincheng me "Yanjing", që do të thotë "kryeqyteti i Yanit". Në shekullin e 12-të, kombësia Nuzhen, një nga pakicat kombëtare të asaj kohe dhe paraardhësit e kombësisë së sotme mançure, krijoi mbretërinë Jin, e cila zhduku mbretërinë Liao dhe e shpalli qytetin Yanjing si kryeqytetin e vet, por më vonë ia ndërroi emërtimin dhe e quajti "Zhongzhou".

Të dashur dëgjues, javën e ardhshme, do të dëgjoni pjesën e dytë për këto. (Sihai)