Kështu ndodhi edhe ditë me radhë pas asaj dite. Nju Lang nuk duronte më dhe deshi të zbulonte të vërtetën. Një ditë, ai doli nga shtëpia më herët se gjithmonë dhe u fsheh në një qoshe që nuk ishte larg shtëpisë së tij dhe filloi të vëzhgonte me shumë kujdes. Pa kaluar shumë kohë, erdhi një vajzë e bukur, e cila, hyri në dhomën e tij dhe filloi menjëherë punën shtëpiake. Nju Lang doli përpara dhe pyeti:" Më thuaj, moj vashë, pse më ndihmon kështu?" Vajza u tremb, u skuq dhe tha me zë të ulët: "Mua më quajnë Zhi Ny. Kam parë se ti bën një jetë të vështirë dhe erdha për të të ndihmuar." Nju Lang u gëzua pa masë, mori guxim dhe tha: "Atëherë, martohu me mua, që të punojmë së bashku dhe të jetojmë së bashku." Zhi Ny pohoi me kokë. Që nga ajo ditë, Nju Lang dhe Zhi Ny u bë burrë e grua. Ata jetonin shumë të lumtur. Pas disa vjetësh, Zhi Ny lindi dy fëmijë: një djalë dhe një vajzë.

Por, një ditë, erdhën dy gjeneralë qiellorë, që i thanë Nju Langut se Zhi Ny ishte bija e bijës së perandorit qiellor, e cila kishte ikur nga shtëpia disa vjet më parë, dhe perandori qiellor po kërkonte atë. Kështu që, dy gjeneralët qiellorë e morën me forcë Zhi Ny për në qiell.

Nju Lang u betua të shkonte në qiell për të gjetur Zhi Ny, që të ribahkohej përsëri gjithë familja. Por si ishte e mundur që një njeri i zakonshëm të ngrihej në qiell?

Pikërisht në momentin kur Nju Lang vriste mendjen, filloi të fliste kau i tij i vjetër: "Më ther mua dhe vesh lëkurën time, atëherë mund të arrish në pallatin qiellor për të gjetur Zhi Ny." Nju Lang nuk donte të vepronte ashtu, por kau i vjetër ngulte këmbë në mendimin e tij. Kështu, Nju Lang, duke mbajtur lotët, veproi ashtu siç kërkonte kau i vjetër.

Nju Lang veshi lëkurën e kaut të vjetër, mori dy fëmijët dhe u nis për në pallatin qiellor. Me lutjet e shumëherhme të Nju Llangut, perandori qiellor, më në fund, ra dakord që ata të kishte një takim të shkurtër. Koha e takimit kaloi shumë shpejt dhe perandori qiellor dha urdhrin që ta merrnin përsëri Zhi Ny. Nju Lang i pikëlluar ndoqi Zhi Ny. Por perandoresha qiellore mori nga koka karficën e saj të argjendtë dhe vringlloi një herë, duke hapur një lumë të gjerë të argjendtë midis Nju Langut dhe Zh Nysë. Që nga ajo kohë, çifti mbeti në të dy brigjet e Lumit të Argjendtë.

Lumi i Argjendtë u quajt edhe "Lumi Qiellor" ose "Rruga e Qumështit". Që nga ajo kohë, në datën e 7-të të muajit të 7-të të çdo viti sipas kalendarit tradicional kinez, Nju Lang dhe Zhi Ny lejohen të takohen një herë tek Lumi i Argjendtë. Me rastin e takimit të tyre, mijëra e mijëra laraska fluturojnë dhe mblidhen së bashku, duke formuar me trupin e tyre një urë të gjatë mbi Lumin e Argjendtë, që Nju-lang dhe Zhi-ny të takohen. Ajo urë, që u quajt "Ura e laraskave", gjendet shumë shpeh edhe sot në vepra letrare kineze. (Zheng)