Stadiumi "Stade de Wankdorf" ndodhet në afërsi të stadiumit të mëparshëm, i cili priti finalen e Kupës së Botës në vitin 1954. Stadiumi 32.000-vendesh do të presë ndeshjet e Europianit të 2008-s. Stadiumi i ekipit të Jang Bojsave do të përdoret edhe për ndeshjet ndërkombëtare të ekipit të Zvicrës. Në fund të këtij viti do të fillojë rikonstruksioni i katër stadiumeve të tjera, që do të përdoren gjatë Euro 2008-s. Stadiumi i sapopërfunduar, "Wankdorf", ka të përfshirë një panel solar prej 8000 m katrorë dhe një fushë artificiale, ku do të luhet gjatë sezonit dimëror. Tapeti artificial nuk do të përdoret gjatë EURO 2008-s, pasi rregullat e UEFA-s nuk lejojnë të luhet mbi një sipërfaqe artificiale. Të dielën, Jang Bojsat do të luajnë në këtë stadium ndaj Shtutgartit dhe Udinezes, në një turne lokal. (Nga Sportishqiptar)