dëgjoni

Të dashur dëgjues, siç shkruan regjisori i njohur shqiptar Piro Milkani pas vizitës në Kinë në artikullin e botuar në gazetën " Shekulli " : " Një ndër propagandistët më të mëdhenj të filmit shqiptar është prezantuesi më popullor i televizionit kinez Cui Yongyuan." Ai është iniciator i botimit të një albumi me muzikën e filmave më të mirë nga e gjithë bota. Albumi titullohet "Ngadhnjim mbi vdekjen "dhe kënga e parë është ajo e të madhit Feim Ibrahim në filmin që mban vetë titullin e albumit ".

Me botimin e këtij albumi, njerëzit kujtuan edhe një herë këngën e filmit shqiptar "Ngadhnjim mbi vdekjen" dhe heroinat e këtij filmi.

Një vit pas daljes së këtij albumi, në skenat e Kinës jehojnë përsëri tingujt e këngës së filmit artistik shqiptar " Ngadhnjim mbi vdekjen ".

Sepse sivjet është 60 vjetori i fitores së luftës botërore antifashiste dhe i fitores së luftës së rezistencës së popullit kinez kundër pushtuesve japonezë. Në kuadrin e këtij përvjetori, në krahinat e ndryshme të mbarë Kinës janë organizuar aktivitete të ndryshme përkujtimore. Edhe në kryeqytetin e Kinës, Pekin, janë organizuar gjithashtu aktivitete përkujtimore. Ndër këto aktivitete, janë dy spektakle madhështore, njëri quhet "Qielli i paqes", që u organizua në fillim të korrikut në pallatin e sportit Shoudu të Pekinit. Ky ishte një koncert madhështor me muzikë rrok të interpretuar nga këngëtarë të njohur të rrokut, ku morën pjesë të gjitha ekipet e njohura të muzikës së rrokjes në Kinë. Këngëtarët e rrokjes e konsideruan këtë koncert si një takim të paqes. Ata thanë se edhe "ne jemi luftëtarë antifashistë, megjithëse nuk kemi në dorë, pushkë, por kemi muzikë. Kitari është pushka jonë. Do të ishte shumë mirë që në këtë botë të mos ketë dhunë .

Në këtë koncert, këngëtarët e interpretuan në stilin e rrokut shumë këngë të kompozuara në kohën e luftës antifashiste si dhe shumë këngë nga filmat me temë të luftës antifashiste, njëra prej tyre ishte edhe kënga nga filmi artistik shqiptar " Ngadhnjim mbi vdekjen ". Këngëtari që e interpretoi këtë këngë quhet Gao Qi. Ai tha : " Filmi artistik shqiptar është xhiruar në vitin kur porsa kam lindur. Për të interpretuar si duhet këtë këngë, komiteti organizativ më dha një kasetë VCD dhe unë ndoqa më se një herë këtë film, ku shtjellohet lufta e dy vajzave shqiptare që dhanë jetën për lirinë e popullit gjatë luftës antifashiste. Regjisori i përgjithshëm i këtij spaktakli Jia Ding tha se " Megjithëse kënga nga filmi artistik shqiptar ' Ngadhnjim mbi vdekjen ' është e shkurtër, por ajo ka ushtruar një ndikim të madh në gjirin e kinezëve të dikurshëm dhe u ka lënë përshtypje të thella kinezëve mbi moshën 40 vjeçare. "

Spektakli i dytë ishte koncerti madhështor i organizuar në fund të korrikut të këtij viti në pallatin e madh të popullit të Asamblesë Kombëtare Popullore të Kinës me titull "Përshëndetje viteve të dikurshme madhështore " kushtuar 60 vjetorit të fitores së luftës antifashiste dhe të luftës kundër pushtuesve japonezë. Në këtë koncert kushtuar 60-vjetorit të fitores së luftës botërore antifashiste dhe të luftës kundër pushtuesve japonezë u interpretuan këngët ruse të dala gjatë luftës së dytë botërore, këngët luftarake të dala me temën e luftës kundër pushtuesve japonezë si dhe këngët nga filmat klasike me temën e luftës së dytë botërore antifashiste. Ndër to ishte edhe kënga nga filmi artistik shqiptar "Ngadhnjim mbi vdekjen". Kjo ishte edhe një këngë kushtuar heroinave të rëna gjatë luftës antifashiste. Pasi u shfaq në Kinë në fillim të viteve '70 të shekullit të kaluar, filmi artistik shqiptar "Ngadhnjim mbi vdekjen" është pritur nxehtësisht nga spektatorët kinezë, shumë kineze përfytyronin të bëheshin heroina si Mira Korani e interpretuar nga Englatina Kume. Edhe dialogët e këtij filmi janë shumë të njohur nga spektatorët kinezë.

Pikërisht për këtë arsye, producenti dhe prezantuesi i njohur kinez z. Cui Yongyuan do të dërgojë së shpejti në Shqipëri një grup televiziv të rubrikës "Magjia e filmave artistikë " që kujton aspekte të bukura të filmave të vjetër artistikë, për të intervistuar kineastë të disa filmave të vjetër artistikë shqiptarë që me anën e këtyre personave t'u tregojnë spektatorëve ngjarje interesante gjatë xhirimit të këtyre filmave të vjetër artistikë. Ne jemi të bindur se intervista e grupit televiziv kinez në Shqipëri do të arrijë sukses ashtu si spektaklet madhështore me këngën shqiptare në Pekin.( Zhai)