Të dashur vizitorë të faqes së internetit, a ju kujtohet teksti i këngës së filmit të njohur artistik shqiptar me temën e luftës antifashiste "Ngadhnjim mbi vdekjen", a ju kujtohet melodia e bukur e kësaj kënge e të madhit Feim Ibrahimi?

Në se nuk ju kujtohet, le të dëgjojmë së bashku këtë këngë të bukur.

Era ret'i shtyn në qiellin blu

Kënga ne në luft'na nis ashtu 

Luft'e rinis kudo është e re

Lufta jonë ësht e drejtë por si ne.

Ulen rret'e zbrasen për mbi mal

Vjen pranvera dalim partizanë

Kjo pranverë që po vjen gjith armiqt'i tmerron

I tmerron ata rini e vendit tonë.

Tej në qiell lart një yll po djeg

Këngën t'onë me plumba dot s'e vret

Popujt jan'ngrit në këmbë bota është me ne

Porsi ne e gjithë bota do të jet' e re".

Kënga që po dëgjoni është kënga nga filmi artistik shqiptar "Ngadhnjim mbi vdekjen" e interpretuar nga kinezët në gjuhën kineze. Kjo këngë bën pjesë në abumin me këngë nga filmat e vjetër artistikë me titull "Ngadhnjim mbi vdekjen-kujtimet e një adhuruesi të filmave artistike" i projektuar para l2 vjetëve nga drejtuesi i njohur i Televizionitr Qendror i Kinës Cui Yongyuan, por që doli në qarkullim në pranverën e vitit 2004. Ky album është pritur shumë mirë nga dëgjuesit kinezë të krahinave të ndryshme të mbarë vendit dhe deri tani ka shitur në më se 30 mijë kaseta.

Projektuesi i këtij albumi, prezantuesi i njohur i Televizionit Qendror të Kinës Cui Yong Yuan ka qenë dhe është adhurues i filmave të vjetër artistikë shqiptarë, prandaj albumi e ka marrë emrin nga filmi artistik shqiptar "Ngadhnjim mbi vdekjen ".

Në fillim dhe në fund të albumit me një përmbledhje të këngëve nga filmat artistikë kinezë dhe të huaj janë inçizuar edhe fjalët e projektuesit të këtij albumi Cui Yong Yuan.

Midis të tjerave, zoti Cui Yong Yuan thotë: " Unë i tregova mikut tim Vei një mendim të guximshëm rreth projektit për inçizimin e një albumi me këngë të filmave të vjetër artistikë? Për zgjedhjen e këngëve, nuk harxhova shumë kohë, por shënova në librin me përmbledhjen e këngëve të preferuara ato këngë që më pëlqenin mua. Kështu zgjodha këngën shqiptare të filmit " Ngadhnjim mbi vdekjen ", këngët koreane të filmave " Shitësja e luleve ",etj.

Zoti Cui e ruajti me kujdes origjinalin e këtij albumi dhe ndonëse ka ndërruar 4 herë shtëpi, nuk e humbi atë.

Lidhur me këtë album, zoti Cui tha : "Ndjenjat e dashurisë dhe të miqësisë janë të paçmuara."

Si p.sh dashuria ime për filmat e vjetër artistikë. Dje e ndoqa edhe një herë filmin shqiptar " Ngadhnjim mbi vdekjen ". Në fund të këtij filmi ishte një pasazh i tillë: "personazhi negativ, një oficer nazist ishte treguar human duke thënë fjalët më të bukura për atë vajzë komuniste: "Jeta është e bukur, o vajzë, çdo njeri ka vetëm një jetë . Jashtë ndriçojnë rrezet e ndritura të diellit, njerëzit po kënaqen me të gjitha gëzimet e jetës, kurse ti po vuan në burg dhe do të humbësh jetën." Ndërsa më tej, ai vazhdon " Çdo njeri ka interesa individuale, por në bazë të një besimi a një ideje, ai kthehet në një njeri të interesave të të tjerëve. Vetëm në prag të vdekjes, ai do të mendojë për interesat personale pa i vënë në dyshim ato shoqërore ".

Vajza e bukur Mira pasi pa me mall qytetin e saj të bukur, zgjodhi vdekjen dhe jo përuljen. Në këtë kohë fillon kënga 

Era ret'i shtyn në qiellin blu

Kënga ne në luft'na nis ashtu

Luft'e rinis kudo është e re

Lufta jonë ësht e drejtë por si ne. ....  ( Zhai)