Në zonën qëndrore të shkretëtirës Hoh-Ksil do të duken për herë të parë gjurmët e njerëzimit. Akademia e Shkencave e Kinës shpalli më 13 korrik se qysh nga 1 shtator i këtij viti, shkencëtarët kinezë do të bëjë inspektime shkencore në përmasa të mëdha për zonën bërthamore të shkretëtirës Hoh-Ksil dhe kjo do të jetë hera e parë që njeriu të përshkojë zonën bërthamore të kësaj shtretëtire.

Hoh-Ksil, që në gjuhën tibetiane do të thotë "vajzë e bukur", ndodhet në zonën e thellë të rrafshnaltës Qinghai-Tibet. Kjo është një fushë e gjërë nënjë lartësi të madhe mbi nivelin e detit, me male, kodra dhe liqene. Lartësia mesatare e kësaj zone është 5300 metra mbi detit. I ftohti e ashpër dhe mungesa e oksigjenit këtu shkaktojnë një mjedis të egër natyror. Gjatë dhjetra vjetëve, shkenctarët kinezë kanë shkuar disa herë në këtë shkretëtirë, por për shkak të kufizimeve të ndryshme, deri më sot asnjë grup inspektues shkencor nuk ka arritur në zonën bërthamore me sipërfaqe 20 mijë kilometra katërore.

"Kjo prej kohësh është aspirata tonë ." -tha zoti Sun Honglie, anëtari i Akademisë së Shkencave të Kinës, kryetar i komitetit drejtues të këtij inspektimi shkencor. "Megjithëse inspektimi shkencor i rrafshnaltës Qinghai-Tibet ka zhvilluar dhjetra vjet, kjo rrafshnaltë me sipërfaqen prej 2,4 milionë kilometrash katërore është kaq e madhe, sa njeriu ka patur njohje shumë të kufizuar për disa pjesë të saj dhe zona Hoh-Ksil është njera prej tyre. Ne parashikojme se kjo zonë ndoshta është zona thelbësore e thatësirës dhe e ftohtësisë së botës, por nëse kjo është e vërtetë apo jo, përgjigjen do të jepë inspektim."

Ky inspektim, i organizuar nga Instituti Kërkimor i Rrafshnaltës Qinghai-Tibet pranë Akademisë së Shkencave të Kinës, do të zgjatë për 3 vjet dhe në secilin vit do të zhvillohet inspektimi në terren prej 40 ditësh në periudhën midis pranverës dhe verës ose midis vjeshtës dhe dimrit.

Grupi i inspektimit i vitit 2005 në Hoh-Ksil i Akademisë së Shkencave të Kinës përbëhet nga shkencëtarë, persona të mbështetjes së telekomunikacionit, persona të prapavijës dhe gazetarë. Kryetari i këtij grupi është Ding Lin, bashkëpunëtor i vjetër i Institutit Kërkimor i Rrafshnaltës Qinghai-Tibet.

Specialisti vuri në dukje se gjatë inspektimit të këtij viti, grupi do të përshkojë disa breza klimotikë, do të takohet me pamje gjeologjike si vullkane, ujëra termike, karste rrafshnalte, akullnaja, etj. dhe do të kalojë nëpër zonën gjeografike tektonike dhe zonën gjeografike të tegelit (ang. Suture zone). Pra, ky inspektim do të ketë vlera të mëdha shkencore.

"Pavarësisht nga përmasat e mëdha të këtij inspektimi, e gjithë koha që grupi do të qëndrojë në terren është vetëm disa muaj. Prandaj duhet t'i trajtojmë në mënyrë objective rezultatet e inspektimit." -tha zoti Sun Honglie. (Wang Lei)