Vitet e fundit, qeveria kineze i inkurajon fuqimisht studentët të punësohen në krahinat perëndimore. Pak kohë më parë, sekretari i përgjithshëm i komitetit qendror të Partisë Komuniste të Kinës Hu Jintao i inkurajoi studentët të shkojnë në krahinat perëndimore për të zhvilluar talentin.

Zv-drejtori i Drejtorisë së Shëndetësisë të Balinyouqisë të Rajonit Autonom të Mongolisë së Brendshme Mo Feng ishte një nga vullnetarët e parë të Programit të Zhvillimit të Krahinave Perëndimore. Në këtë forum, ai tha: "Do të luaj plotësisht talentin tim dhe do të bëhem një zv-drejtor i përshtatshëm i Drejtorisë së Shëndetësisë për t'u shërbyer më mirë fshatarëve dhe blegtorëve."

Drejtori i Spitalit të Kullotës Beitashan të Xinjiangut Li Mengtao ka punuar në Xinjiang për mbi 40 vjet. Ai tha: "Kur sapo erdha në Xinjiang, më merrte shumë mali për familjen në Shangai. Por kur blegtorët vendës më kërkuan me lot të mos largohem nga ata dhe unë vendosa të qëndroj përgjithmonë në Xinjiang."

Shefja e grupit të vullnetarëve të aspirantëve të Universitetit Fudan Gao Tian ish-zv-drejtore e shkollës së mesme Sanhe të Rajonit Autonom Ningxia Hui tha: "Eksperienca ime në krahinat perëndimore ka rëndësi të madhe për jetën në të ardhmen, sepse ajo më përgatiti nga pikëpamja e aftësive të mia."

35-vjeçari Zhou Mengbo është president i Grupit Daqiao. Ai kujtoi eksperiencën e punës në shkretëtirë. Ai tha se të rinjtë duhet të punojnë me zell dhe të kapërcejnë vështirësi të ndryshme, pasi vetëm kështu do të kenë sukses.

Presidenti i Shoqërisë Mikroelektronike Zhongxing të Pekinit Deng Zhonghan është hero në zemrat e studentëve. Ai hoqi dorë nga puna e mirë në SHBA dhe u kthye në atdhe për punësim. Shoqëria e tij prodhoi mikroqarkun e parë të integruar të Kinës. Ai i inkurajoi studentët t'i përmbahen idealeve të veta për të dhënë kontribut për atdheun.

Nënkryetari i komitetit të përhershëm të Asamblesë Kombëtare Popullore të Kinës Han Qide kujtoi kohën e paharrueshme në krahinat perëndimore, atëkohë ai merrej me çështje mjekësore e shëndetësore të fshatit. Ai u kërkoi studentëve të mbajnë përgjegjësi historike dhe të bëjnë aktivisht praktikë për të dhënë kontributin e vet në krijimin e shoqërisë komode.

Sekretari i përhershëm i komitetit qendror të Rinisë Komuniste Zhao Yong u shpreh se krahinat perëndimore janë një arenë e gjerë për rritjen e shëndetshme të studentëve të rinj, eksperienca e punësimit në krahinat perëndimore do të jetë një pasuri e përhershme e tyre. Komiteti qendror i Rinisë Komuniste do të vazhdojë të zbatojë Programin e shërbimit vullnetar të studentëve në krahinat perëndimore për t'i nxitur më shumë studentët të punojnë në këto krahina. (Fani)