Në vitin 1987, në Festivalin e 5-të Artistik të Ushtrisë Çlirimtare Popullore të Kinës, melodia për fyell me titull "Gurra malore", e cila është kompozuar dhe interpretuar nga Liu Fenshani, u mirëprit shumë nga spektatorët. Në interpretimin e kësaj melodie, Liu ka përdor tri lloje fyejsh me diapazon të ndryshëm, duke përshkruar në mënyrë të përsosur një panoramë të bukur të natyrës.

Dëgjoni

Pjesa fillestare e kësaj melodie tregon mëngjesin e bukur në pyje të qeta, ku cicërojnë zogjtë. Fill pas kësaj, melodia bëhet më e ngadaltë dhe toni ngrihet avash-avash, duke pasqyruar male të larta. Në fragmentet e mëpastajme tregon gurrat që rrjedhin nëpër male të larta. Sidomos ajo pjesë ku përshkruhet tabloja kur gurrat rrjedhin nga maja e lartë deri në liqenin e ulët, është pjesa më e shkëlqyer dhe më intersante e kësaj melodie.

Në vitet 80 të shekullit të kaluar, Liu Fenshani filloi të interesohet për një vegël të lashtë muzikore kineze që quhet shyn. Shyni është një lloj instrumenti frymor muzikor qeramik. Është i vogël dhe i ngjan shumë dardhës. Meloditë e interpretuara me shyn janë me karakteristika të dukshme, sepse ato janë të ulta dhe të rënda. Sipas numrit të vrimave, shyni tradicional ndahet në tri lloje, që janë shyni me një vrimë, me dy vrima dhe me tri vrima. Liu Fenshani mendon se shynë të tillë kanë disa të meta si, diapazoni i ngushtë dhe stonimi i shpeshtë. Prandaj, në bazë të shynit tradicional, Liu Fenshani shpiku shynin me dhjetë vrima, duke zgjeruar diapazon të shynit. Me shynin e adaptuar, mund të interpretohen jo vetëm meloditë melankolike me ton të ulët, por edhe ato gëzuese me ton të shpejtë. Tani, një shyn i tillë përdoret gjerësisht nga interpretuesit brenda dhe jashtë vendit.

Dëgjoni 

Të dashur lexues, melodia që po dëgjoni titullohet "Plaku luan me zog". Kjo është një melodi e interpretuar nga Liu Fenshani me shyn. Në këtë melodi, përdoren edhe instrumente të tjera tradicionale kineze muzikore, si fyelli, Er Huja etj, që përshkruajnë gëzimin e një plaku fshtar pas korrjeve të bollshme.

Si një ushtarak artistik, Liu Fenshani ka kompozuar edhe shumë vepra të lidhura me jetën e ushtarëve. Tani, ju ftojmë të shijoni një melodi të kompozuar dhe interpretuar nga Liu Fenshani me fyell. Kjo melodi e titulluar "Melodia e detit" fitoi çmimin e parë në Festivalin e 8-të Artistik të Ushtrisë Çlirimtare Popullore, të orgnizuar në vitin 2004. Ndiqeni! 

Dëgjoni (Çan Yean)