Në intervistën e tij për mua, ne kemi biseduar shumë gjëra rreth muzikës shqiptare dhe të vendeve të tjera. Më la përshtypje shumë të thellë se ai ka krijuar jo vetëm muzikë shiptare, por edhe shumë vepra muzikore në shumë lloje të tjera. Në pjesën e madhe të veprave të tij, më duket se ai ka krijuar për filma shqiptarë dhe radion.

"Sa muzikë që keni bërë për filma?" E pyeta unë.

"Unë kam bërë 44 muzikë filmash." M'u përgjigj ai. Aleksandri është një ndër 2 a 3 kompozitorët shqiptarë të shquar.

Aleksandër Lalo tha se ka një familje të lumtur, ai nuk ka asgjë tjetër më të shtrenjtë në familje përveç gruas së tij të dashur dentiste, që mban rregull në gjithë shtëpinë, përndryshe, "do të shisja kumbulla, shisja gështenja këtu te qoshja e televizionit. Nuk do të kisha asgjë." thoshte ai, "Megjithatë unë jetoj me dashurinë e njerëzve, me dashurinë e miqve si të gjithë shqiptarët e tjerë. Një buzëqeshje, një përshëndetje, një gëzim, një dorështrëmgim sikur na mban, sikur na jep një byrek të shijëshëm."

Unë i thashë se i gjithë koncerti i tij pati jehonë të madhe, me duartrokitje të zjarrta e të zgjatura, prej të cilave burron dashuria dhe respekti i madh i shqiptarëve ndaj kompozitorit Aleksandër Lalo.

Një regjisor i ri i filmit, duke dëgjuar intervistën e Aleksandrit, ndërhyri në bisedën tonë.

Ai më tha: "Suksesi i madh, që pati koncerti i Aleksandrit, vjen edhe nga një arsye tjetër. Në Shqipëri ka 15 vjet që janë krijuar studio të vogla elektronike. Mrekullia që solli Aleksandri është që pikërisht ai i çmobilizoi ato biznese të vogla dhe i mblodhi të gjitha së bashku me muzikën e vërtetë. Ju keni parë se ishte një orkestër me vegla muzikore të vërteta me rreth 100 orkestrantë, gjë që nuk kanë ndodhur për 20 vjet në Shqipëri. Kjo ngjarje është shumë e shënuar, ky njeri i mblodhi sërisht ata dhe ka dhënë kontribut të shquar për muzikën në vendin tonë." ( Daming )