Më 30 korrik të vitit 1932, Lojërat e 10-ta Olimpike u organizuan në Los Anxhelosit të SHBA-së. Kina dërgoi një student të Universitetit të Verilindjes, Liu Changchun në Amerikë dhe ai mori pjesë në garat e vrapimit 100 metra, 200 metra dhe 400 metra. Kështu, Liu Changchun u bë personi i parë që mori pjesë në Lojërat Olimpike. Para Lojërave Olimpike, për shkak të mungesës së fondeve, Shoqata e Sportit e Kinës vendosi të dërgojë vetëm sekretarin e përgjithshëm të shoqatës, Shen Siliang në Los Anxhelos, por pushteti mançurian, i mbështetur nga imperalizmi japonez, deklaroi dërgimin e Liu Changchunit dhe Yu Xiweit për të marrë pjesë në Lojërat Olimpike, gjë që mahniti mbarë Kinën. Dhe në fund, Shoqata e Sportit e Kinës vendosi të dërgojë bashkë me Shen Siliangun dhe një sportist në Los Anxhelos.

Më 1 korrik, kur u organizua ceremonia e diplomimit të fakultetit të sportit të Universitetit të Verilindjes, gjenerali i njohur, Zhang Xueliang deklaroi që 2 sportistët, Liu Changchun dhe Yu Xiwei do të marrin pjesë në emër të Kinës në Lojërat e 10-ta Olimpike dhe Song Tingfu do të marrë pjesë si trajneri i atyre. Pastaj, Hao Gengsheng i dërgoi një telegram Ministrisë së Jashtme të Kinës dhe bëri konsultime me Wang Zhengtingun dhe Zhang Bolingun. Më pas, Zhang Boling i dërgoi befasisht një telegram Komitetit Olimpik Ndërkombëtar mbi pjesëmarrjen e Kinës në Lojërat Olimpike.

Kur Liu Changchun u nis nga Shangai, ai u përcoll ngrohtësisht nga mijëra banorë të Shangait. Presidenti i Shoqatës Kombëtare të Sportit të Kinës, doktori Wang Zhengting bashkë me bashkëshorten e tij, morën pjesë në ceremoninë e dhënies së flamurit, duke mbajtur fjalimin e rastit: "Qysh nga shpallja e vendit tonë, kjo është hera e parë që dërgojmë sportistë të marrin pjesë në Lojrat Olimpike dhe kjo gjë është me një rëndësi shumë të madhe. Sot në emër të Shoqatës Kombëtare të Sportit të Kinës, unë do t'ju jap flamurin kombëtar dhe unë dëshiroj që të përpiqeni për fitore, për të ngritur këtë flamur në ceremoninë e ndarjes së medaljeve në stadiumin olimpik të Los Anxhelosit.

Në ditën e fillimit të Lojërat e 10-ta Olimpike, u formua përkohësisht delegacioni i Kinës. Liu Changchun mbante në dorë flamurin kombëtar të Kinës, Shen Siliang prapa tij dhe 4 përfaqësuesit në fund, të cilët ishin Song Junfu, Liu Xuesong, Shen Guoquan, Tuo Ping. Vlen të përmendet se ndër këto përfaqësues, Liu Xuesong, Shen Guoquan dhe Tuo Ping ishin kinezë vendorë.

Gjatë garës së vrapimit 100 metra, rezultati i Liu Changchunit ishte 11 sekonda. Ai u radhit në vendin e 5-të dhe u eliminua. Në garën e vrapimit 200 metra, ai u radhit në vendin e 6-të dhe përsëri u eliminua. Dhe më pas për shkak të lodhjes nga udhëtimi i gjatë, ai hoqi dorë nga gara e vrapimit 400 metra. Në raportin e Komiteti Organizativ Olimpik të Los Anxhelosit, u botua një foto e Liu Changchunit me një fjali të tillë poshtë, "Përfaqësuesi i vetëm i 400 milionë kinezëve, Liu Changchun".

Pjesëmarrja e Liu Changchunit në Lojërat Olimpike shënon pjesëmarrjen e parë të Kinës në Lojërat Olimpike dhe ushtron ndikim të thellë në qarqet sportive të botës. (Jiang Lei)