Shoqëria moderne është duke u zhvilluar shpejt, kjo shtron kërkesa gjithnjë e më të larta për mësuesit që konsiderohen si " inxhinjerë të shpirtit njerëzor".. Prandaj shumë vende të botës i kushtojnë rëndësi të madhe punës së kualifikimit të mësuesve. Arsimi fillor dhe arsimi i mesëm është baza e arsimit, kualifikimi i mësuesve të shkollave fillore dhe të shkollave të mesme është bërë një nga aspektet kryesore të kësaj pune.

Duke folur për kualifikimin e mësuesve kinezë, funksionari i Ministrisë Kineze të Arsimit, zoti Tan Jinvei tha: Vitet e fundit, kemi ndjerë gjithnjë e më shumë se ngritja e nivelit arsimor duhet të realizohet nga mësuesit. Prandaj forcimi i kualifikimit të mësuesve duhet të jetë një punë shumë e rëndësishme në zhvillimin e arsimit të një vendi.

Tani, në Kinë është krijuar, në përgjithësi, sistemi i kualifikimit të mësuesve dhe në " ligjin pedagogjik" thuhet qartë se pjesëmarrja në kualifikim është një e drejtë dhe një detyrë e mësuesve dhe kërkohet që mësuesit të kualifikohen një herë në çdo 5 vjet. Përmbajtja e kualifikimit është: shtimi i dashurisë për punën pedagogjike, ngritja e nivelit profesional, shtimi i aftësisë në punë dhe përmirësimi i metodave të mësimdhënies.

Në Kinë ka mbi 10 milionë mësues të shkollave fillore dhe të shkollave të mesme. Kualifikimi i tyre bëhet në 6 institute pedagogjike të shpërndara në krahinat e ndryshme të vendit dhe administratat e niveleve të ndryshme përgjigjen për shpenzimet e kualifikimit të mësuesve të tyre. Gjatë kualifikimit të mësuesve, vëmendja kryesore i kushtohet kualifikimit të mësuesve të fshatrave të varfër. Si forma e kualifikimit janë leksionet në auditorë, por edhe nëpërmjet rrjetit radio-televiziv dhe internetit.

Distrikti Miyun në periferi të Pekinit është një distrikt bujqësor. Në këtë distrikt ka 90 shkolla fillore dhe shkolla të mesme, ku punojnë 4 mijë mësues. Për arsye që ky distrikt ndodhet në zonën malore, kushtet e komunikacionit nuk janë të mira dhe niveli i arsimit nuk është i lartë. Për të ndryshuar këtë gjendje, sektorët arsimorë vendorë i kushtojnë vëmendje të madhe kualifikimit të mësuesve. Zoti Ma, që përgjigjet për kualifikimin e mësuesve të këtij distrikti, tha:

Sipas planit, nga sezoni i ardhshëm, në klasat e para të shkollave fillore të distriktit Miyun do të hapet mësimi i anglishtes. Prandaj problemi i mungesës së mësuesve të anglishtes do të bëhet më i dukshëm. Për të zgjidhur këtë problem, distrikti Miyun po forcon punën e kualifikimit të mësuesve të anglishtes.

Mësuesi Han Chunhë ka punuar për 20 vjet si mësues i anglishtes në një shkollë të mesme të këtij distrikti. Megjithëse ka përvojë të pasur, ai tha se tekstet e tanishme të mësimdhënies kërkojnë gjithnjë e më shumë njohuri nga mësuesit. Prandaj ai shfaqi shpresën se duke shfrytëzuar rastin e kualifikimit, do të ngrejë më tej nivelin e tij të anglishtes. Në kursin e kualifikimit, ku merr pjesë zoti Han, përdoren tekstet e internetit të ardhura nga SHBA-ja, kualifikimi bëhet nëpërmjet rrjetit të kompjuterit. Në kohën e lirë ai mëson vetë në shtëpi dhe një herë në javë merr pjesë në kursin e kualifikimit, të drejtuar nga pedagogë të huaj. Mësuesi Han tha se kjo formë e kualifikimit ndihmon shumë në ngritjen e nivelit profesional të mësuesve.

Si distrikti Miyun, edhe në krahina të tjera të vendit po zhvillohet normalisht puna e kualifikimit të mësuesve të shkollave follore dhe të shkollave të mesme. ( Zhang )