Provinca Hunan është kanal i rëndësishëm dhe nyje komunikacioni, që lidh zonat bregdetare të Kinës lindore me krahinat qendrore e perëndimore të Kinës. Brenda kësaj province ka 5 hekurudha dhe mbi 70 rrugë automobilistike të niveleve shtetërore dhe lokale, si dhe linja ujore me një gjatësi prej mbi 10 mijë kilometrash e dhjetra linja ajrore të aviacionit civil. Të gjitha këto kushte të favorshme kanë nxitur zhvillimin ekonomik të provincës Hunan.

Gjatë shumë vjetëve të fundit, provinca Hunan ka qenë gjithmonë një provincë e madhe bujqësore, vëllimi i përgjithshëm i GDP-së zë vendin e 10-të në mbi 30 provinca të Kinës. Për të shpejtuar zhvillimin ekonomik, provinca Hunan ka parashtruar objektivin strategjik për nxitjen e industrializimit dhe të qytetëzimit dhe për ndryshimin e formës së rritjes ekonomike në bazë të sigurimit të prodhimit të stabilizuar të drithërave. Duke fofor për këtë, kryetari i kësaj province, z. Zhou Buohua tha se provinca Hunan si një provincë e madhe bujqësore dhe si një provincë me popullsi të madhe, do të hyjë në radhën e provincave të fuqishme ekonomike, me siguri ajo duhet të shpejtojë procesin e industrializimit të bujqësisë dhe të qytetëzimit.

Gjatë zhvillimit të industrisë, ajo ka hasur në radhë të parë ndryshimin e strukturës së industrisë së prapambetur tradicionale.

Në disa mijëra ndërmarrje shtetërore të provincës Hunan, ndërmarrjet e mesme dhe të mëdha me potencil relativisht të fortë vetëm kanë zënë një të tretat. Në rrethana të tilla, provinca Hunan ka parashtruar mendimet për zhvillimin e përbashkët nëpërmjet bashkimit të ndërmarrjeve.

Grupi Puyuan është një ndërmarrje e vjetër e industrisë së prodhimit të makinerive të Kinës, teknologjia e prodhimit është relativisht e prapambetur. Në vitin 2002, të ardhurat e shitjes së produkteve të këtij grupi, që ka prodhuar kryesisht vinça, arritën në 800 milionë juanë, ndërsa fitimet ishin vetëm disa miliona juanë. Por, grupi Zhonglian i krijuar nga Instituti i studimit të makinerive të ndërtimit ka potecial të fortë në fushën e studimeve shkencore. Në vitin 2002, të ardhurat e shitjes së produkteve të këtij grupi arritën në 600 milionë juanë, por fitimet e tij ishin 200 milionë juanë.

Dy ndërmarrjet kanë epërsitë dhe kërkesat e tyre, dhe kështu kanë hedhur bazë të mirë për bashkimin e tyre. Nënkryetari i bashkisë së qytetit Changsha, z. Liu Xiaoming tha se këto dy ndërmarrje kanë epërsitë dhe dobësitë e veta në burime. Ato, duke u bashkuar, mund të plotësojnë shumë mirë njëra-tjetrën..

Pas riformimit të dy ndërmarrjeve, Grupi Puyuan ka fituar përkrahjen e madhe të Grupit Zhonglian në teknologji dhe në fonde. Në vitin 2004, fitimet e Grupit Puyuan kaluan fitimet e përgjithshme të 15 vjetëve marrë së bashku. Ndërsa Grupi Zhonglian ka forcuar aftësinë e prodhimit të tij. Vitin e kaluar, të ardhurat e shitjes së produkteve të këtij grupi i kaluan të 4 miliardë e 500 milionë juanët, duke realizuar fitimet e përbashkëta të tyre.

Nxitja e bashkimit të ndërmarrjeve është një nga masat e provincës Hunan për shpejtimin e ndryshimit të strukturës ekonomike. Përveç kësaj, kjo provincë ka marrë edhe masa të tjera për të tërhequr investuesit e huaj, me qëllim që të shpejtohet bashkëpunimi i ndërmarrjeve vendëse me shoqëri shumëkombëshe dhe të realizohet zhvillimi i shpejtë.

Më 1 dhjetor 2004, Shoqëria me përgjegjësi të kufizuar e CNAIC-it Changdian të provincës Hunan nënshkroi një marrëveshje me Shoqërinë BOSCH të Gjermanisë. Kjo shoqëri gjermane ka blerë reparte të prodhimit të motorëve dhe të gjeneratorëve të shoqërisë me përgjegjësi të kufizuar Changdian të provincës Hunan. Qysh atë here ajo filloi të furnizojë me pjesë shkëmbimi Shoqërinë BOSCH të Gjermanisë. Të dyja palët kanë vendosur marrëdhëniet e partneritetit dhe të bashkëpunimit strategjik. (Sihai)