Në kuadrin e 60 vjetorit të fitores së luftës antifashiste dhe të luftës së rezistencës kundër pushtuesve korrespondentja e Radios së Jashtme të Kinës i mori një intervistë ish-kryetarit të Trupës së Operës pranë Drejtorisë së Përgjithshme të Ushtrisë Popullore Çlirimtare kineze Tian Chuan që është veteran i luftës kundër pushtuesve japonezë.

Z. Tian Chuan ka hyrë në rradhët e Ushtrisë së Korpusit të 4-t të udhëhequr nga Partia Komuniste e Kinës qysh në moshën l2 vjeç në vitin l938 pas shpërthimit të luftës së rezistencës kundër pushtuesve japonezë. Ai ka punuar si skenarist operistik dhe ka shkruar shumë vepra inkurajuese gjatë luftës kundër pushtuesve japonezë dhe luftës për çlirimin e vendit si dhe në peridhën e ndërtimit socialist të Kinës. Trupa e Operës, ku ai mori pjesë si skenarist dhe kryetar ka krijuar shumë opera të bukura në periudhë të ndryshme historike të Kinës, si opera "Vajza me flokë të thinjura", "E fejuara e ushtarakut të Ushtrisë së Vullnetarëve të Popullit kinez nw luftën e Kores ", " Dielli i kuq në malin Keshan ", " Heroina Liu Hulan", "Bija e partisë ", "Hyrja e Krimut në ushtri " etj dhe disa opera të kësaj trupe kanë fituar çmime në konkurse kombëtare operistike të Kinës.

Vitet e fundit, kjo trupë ka vënë në skenë edhe operën sovjetike "Këtu agimi është i qetë" dhe opera të vendeve të tjera.

Megjithëse z. Tianchuan ka shumë vjet që ka dalë në pension, ai preokupohet edhe shumë për aktivitetet e Ansamblit të tij.

Ai i tregoi korrespondentes : Në kuadrin e 60 vjetorit të fitores së luftës antifashiste dhe të luftës së rezistencës kundër pushtuesve, më 30 korrik të këtij viti do të organizohet në pallatin e madh të popullit koncerti madhështor simfonik koral " Përshëndetje viteve të dikurshme madhështore", ku do të japin bashkërisht shfaqje Filarmonia simfonike e Ansamblit të Këngëve dhe Valleve pranë Drejtorisë së Përgjithshme Politike të Popullit kinez dhe kori i veteranëve të Ushtrisë Popullore Çlirimtare të Kinës.

Z. Tianchuan i tha korrespondentes: Shfaqjet e këtij koncerti do të ndahen në 3 tema : "Bashkimi i madh Sovjetik", "Muri i madh i ndërtuar me sakrifica" dhe "Bota e papërkulur".

Në koncert do të interpretohen këngët luftarake në një atmosferë entusiaste dhe madhështore të kompozuara gjatë luftës për mbrojtjen e vendit të ish- Bashkimit Sovjetik si "Lufta e shenjtë", "Kalorësit e stepës ", "Kënga e Bashkimit të Rinisë". "Përshëndetje viteve të dikurshme madhështore" dhe këngët lirike "Nata e portës", "Bilbil", "Rrugicat"etj. Pjesëmarrja e korit të këngëtarëve të merituar të ish-Bashkimit Sovjetik di të jetë befasia e koncertit për spektatorët e kryqytetit të Kinës.

Këngët "Marshi i Ushtrisë së vullnetarëve" dhe "Mbrojtja e Lumit të Verdhë" janë këngë me temën e luftës së rezistencës kundër pushtuesve japonezë sigurisht do të interpretohen në koncert. Përveç këtyre, në koncert do të interpretohen edhe këngët e njohura klasike si " Në luftë me sepata", "Këngë partizane", "Ardhja e shkurtit", "Në lumin Jianlinjiang", "Nanniëan" etj. Do të interpretohen edhe kënga koloniyanore e filmit artistik me temë luftarake "Lufta në tunele", kënga " I bie Pipës sime të dashur " nga filmi artistik "Partizanët hekurudhore" , kënga "Fluturimi i dallendysheve në jug" nga filmi artistik "Dëshirë e madhe për kthim" etj.

Z. Tianchuan tha: "Si veteran i luftës së rezistencës kundër pushtueve japonezë, ato këngë të atëhershme luftarake më kujtojnë ato vite të paharuara të luftës me gjakderdhje si dhe shokët e mi që dhanë jetën për çlirimin e kombit kinez.

Kori i veteranëve të Ushtrisë Popullore Çlirimtare Kineze është një kor i lavdishëm i krijuar në priudhën e luftës së rezistencës kundër pushtuesve në Yannan. Në këtë koncert, më se 300 koristë të Korit të veteranëve dhe më se l00 instrumentistë të shquar të Filarmonisë Simfonike pranë Drejtorisë së Përgjithshme Politike të Ushtrisë Popullore Clirimtare Kineze do të interpretojnë së bashku duke formuar një spektakël madhështor të paparë vitet e fundit.

Z.Tianchuan që ka qënë si një nga krijuesit e korit të veteranëve i tregoi korrespondentes : Në këtë kor marrin pjesë edhe shumë këngëtarë veteranë të Ushtrisë Popullore Çlirimtare Kineze. Disa janë edhe bashkëluftëtarë të tij të kohës sw luftës dhe kolegë tw tij të trupës së operës.

Edhe recitimet do të jenë një nga përmbajtjet e rëndësishme të këtij koncerti. Me anën e recitimeve, spikeri i njohur i Radios Qendrore të Kinës Fang Ming dhe artisti me zë shumë kumbues Xv Tao etj do të recitojnë fjalimet e disa personaliteteve të mëdha të lidhura ngushtë me luftën e dytë botërore, si veprën e njohur të Mao Ce Dunit " Mbi luftën e gjatë ", fjalimin e Stalinit mbajtur gjatë parakalimit ushtarak në vitin l941 në sheshin e kuq të Moskës si dhe fjalimet e rëndësishme të mbajtura nga personalutetet e mëdha si Franklin Rusevelt, Charles De Gaulle dhe Winston Churchill.

Edhe këngëtarja e njohur ushtarake Don Wenuhua dhe këngëtari veteran mbi 70 vjeç do të mbyllin së bashku koncertin me këngët e pritura shumë me temë të luftës antifashiste, ndër të cilat përfshihet edhe kënga nga filmi arstitik shqiptar "Ngadhnjim mbi vdekjen".

Pasi e njohu korrspondentin me këtë koncert, z Tian Chuan tha: "Ky koncert i organizuar 60 vjet pas fitores së luftës së rezistencës kundër pushtuesve japonezë ka rëndësi të madhe dhe unë uroj që koncerti do të pritet shumë mirë nga spektatorët e Pekinit." (Zhai)