Me rastin e 60 vjetorit të fitores së luftës antifashiste dhe të luftës së rezistencës kundër pushtuesve, më 30 korrik të këtij viti do të organizohet në pallatin e madh të popullit koncerti madhështor simfonik koral " Përshëndetje viteve të dikurshme madhështore", ku do të japin bashkërisht shfaqje Filarmonia simfonike e Anasamblit të Këngëve dhe Valleve pranë Drejtorisë së Përgjithshme Politike të Popullit kinez dhe kori i veteranëve të Ushtrisë Popullore Clirimtare të Kinës.

Shfaqjet e këtij koncerti do të ndahen në 3 tema : "Bashkimi i madh Sovjetik", "Muri i madh i ndërtuar me mish e gjak" dhe " Bota e papërkulur ".

Në koncert do të interpretohen këngët luftarake në një atmosferë entusiaste dhe madhështore të kompozuara gjatë luftës për mbrojtjen e vendit të ish- Bashkimit Sovjetik si " Lufta e shënjtë ", " Kalorësit e stepës ", " Kënga e Bashkimit të Rinisë ". " Përshëndetje viteve të dikurshme madhështore " dhe këngët lirike "Nata e portës ", " Bilbil", " Rrugicat "etj. Pjesëmarrja e korit të këngëtarëve të merituar të ish-Bashkimit Sovjetik është befasi për spektatorët e kryqytetit të Kinës.

Këngët "Marsh i Ushtrisë së vullnetarëve" dhe "Mbrojtja e Lumit të Verdhë" janë këngë me temë të luftës së rezistencës kundër pushtuesve japonezë që do të interpretohen sigurisht në koncert. Përvec këtyre, në koncert do të interpretohen edhe këngët e njohura klasike si "Marsh me sepata", "Kënga partizan", "Ardhja e shkurtit", "Në lumin Jianlinjiang", "Nanniëan" etj. Do të interpretohen edhe kënga kryesore nga filmi artistik me temë luftarake "Lufta në tunele", kënga " I bie Pipës së ime të dashur " nga filmi artistik "Partizanët hekurudhore" , kënga "Fluturimi i dallendysheve në jug" nga filmi artistik "Dëshira e madhe për kthim" etj.

Edhe recitimet do të jenë një nga përmbajtjet e rëndësishme të këtij koncerti. Me anën e recitimeve, spikeri i njohur i Radios Qendrore të Kinës Fang Ming, artisti me zë shumë kombonjes Xv Tao etj do të recitojnë fjalimet e disa personave të mëdhenj që ishin lidhur ngushtë me luftën e dytë botërore si veprën e njohur të Mao Ce Dunit " Mbi luftën e gjatë ", fjalimin e Stalinit mbajtur gjatë parakalimit ushtarak në vitin l941 në sheshin e kuq të Moskës si dhe fjalimet e rëndësishme të mbajtur nga personat të mëdhenj si Franklin Roosevelt, Charles De Gaulle dhe Winston Churchill.

Kori i veteranëve të Ushtrisë Popullore Clirimtare Kineze është një kor i lavdishëm i krijuar në priudhën e luftës së rezistencës kundër pushtuesve në Yannan. Në këtë koncert, më se 300 koristë të Korit të veteranëve dhe më se l00 instrumentistë të shquar të Filarmonisë Simfonike pranë Drejtorisë së Përgjithshme Politike të Ushtrisë Popullore Clirimtare Kineze do të interpretojnë së bashku duke formuar një spektakël madhështor të paparë vitet e fundit.

Edhe këngëtarja e njohur ushtarake Don Wenuhua dhe këngëtari veteran me moshë mbi 70 vjeç do të mbyllin së bashku koncertin me këngët e pritura shumë me temë të luftës antifashiste, ndër to përfshihen edhe kënga nga filmi arstitik shqiptar "Ngadhnjim mbi vdekjen". (Zhai)