Gjatë më se 20 vjetëve të hapjes së tij, qyteti Shenzhen i Kinës jugore ka marrë një zhvillim të gjithanshëm, sidomos në fushën e turizmit me përmbajtje kulturore.

Po të jeni si vizitorë në këtë qytet, duhet të shkoni patjetër në parqet tematike karakteristike të këtij qyteti. Përveç Parqeve të Përmbledhjes në Miniaturë të Arkitekturave të Njohura Kineze dhe të Dokeve dhe Zakoneve të Pakicave të ndryshme të Kinës, duhet të vizitoni edhe parkun " Dritarja e Botës " me pamje dhe ndërtesa tipike të zvogëluara të vendeve të ndryshme, sepse ato janë parqet më tërheqëse për turistët.

Ndryshe nga parqe me ndërtesa dhe pamje karkteristike nga vende të ndryshme të ndërtuar në Pekin dhe në qytete të tjera të Kinës, parku " Dritarja e Botës" organizon çdo mbrëmje spektakle shumë të bukura madhështore koreografike të titulluara "Krijimi i shekullit ".

Ky spektakël është një mbrëmje shumë e bukura me këngë e valle dhe me veshje karakteristike të kombeve dhe vendeve të ndryshme.

Spektakli është krijuar nga një numër autorësh, regjisorësh, koreografësh, skenaristësh, modelistësh dhe kompozitorësh të nivelit më të lartë të mbarë vendit, pra kemi të bëjmë me një mbrëmje e nivelit të parë botëror. Spektakli shfaqet çdo mbrëmje në skenën rrotulluese me sfond të plotë në sheshin e parkut " Dritarja e botës", ku marrin pjesë qindra artistë kineze dhe të huaj. Mbrëmja ndahet në 5 pjesë skenike, siç janë : "Kina e lashtë", " Egjipti i lashtë ", " Babilonia e lashtë ", " India e lashtë " dhe "Greqia e lashtë". Në këtë mbrëmje pasqyrohet nga të gjitha aspektet historia plot dallgë e zhvillimit të njerëzimit të gjithë botës. Gjatë shfaqjeve me këngë e valle, spektatorët mund të shikojnë pamjet më magjike të përrallave popullore të krijuara gjatë historisë shumëvjacare të njerëzimit, si mbushjen e qiellit nga shenjtorja Nvëa, kambanën e muzikës së lashtë, kopshtin ajror të Babilonisë e olimpin e shenjtë të Athinës. Kjo mbrëmje është një mbrëmje e teknologjisë së lartë.

Duke qenë në amfiteatër, spektatorët mund të ndjejnë nga afër vrapimin e karrocave luftarake të luftëtarëve të kohës së lashtë, shpërthimet e tmerrshme të bombës atomike, vallet mbretërore të bukurosheve të shoqëruara me muzikë të lehtë dhe të lashtë.

Në fund të shfaqjeve, karrocat e zbukuruara me mbretër, mbretëresha dhe princesha të vendeve të ndryshme kalojnë me shpejtësi rreth e rrotull spektatorëve dhe në gjithë sheshin e amfiteatrit shpërthejnë edhe fishekzjarrët shumëngjyrësh të formave të ndryshme. Duke u gjendur në mes të përrallave magjike të kohës së lashtë, spektatorët e ndjejnë vetëm si pjesëtarë të një bote tjetër tashmë të shkuar .

Pas ukënaqësisë të fituar nga ky spektakël, me siguri spektatorëve do t'u duket sikur kanë udhëtuar në lumin e gjatë të historisë së vendeve të lashta e të civilizuara . Ata do të mahniten me mençurinë dhe forcën magjike krijuese të njerëzimit që ka krijuar tani një botë kaq të bukur dhe të përparuar. Shkenca e sotme ka nxitur hapat e progresit të njerëzimit.

Qysh nga premiera e saj në vitin 2001, spektakli madhështor koreografik " Krijimi i shekullit " ka krijuar dy rekorde në vend: rekordin e numrit të spektatorëve dhe rekordin e numrit të shfaqjeve. Siç bëhet e ditur, tani, në këtë park, ka filluar edhe shfaqja e një spektakli të ri madhështor koreaografik " Kapërcimi i shekujve ", që është një spektakël artistik shumë i bukur dhe që po tërheq gjithnjë më shumë spektatorë për vizitë në parkun " Dritarja e botës " (Zhai)