Më 18 korrik, studentët e dy brigjeve shkuan në Gjykatën e Ndërmjetme Popullore të Pekinit dhe dëgjuan gjykimin e një çështjeje në shkelje të të drejtave të pronësisë intelektuale në internet. Ky është një aktivitet i rëndësishëm profesionist gjatë kampit veror. Studentët tajvanezë e dëgjuan me seriozitet këtë gjykim duke fituar dituri për sistemin juridik të pjesës kontinentale.

Aspiranti i fakultetit të drejtësisë të Universitetit Furen të Tajvanit Shi Yuchen tha: "Kjo është hera e parë që ai në pjesën kontinentale, pjesa kontinentale më ka lënë përshtypje shumë të thellë dhe ka dallime të mëdha me atë që kisha menduar. Pekini është një qytet shumë modern që po zhvillohet shumë shpejt." Edhe studentja e Universitetit Furen Feng Jiuyuan e viziton për herë të parë pjesën kontinentale, ajo tha se Pekini është shumë i bukur dhe i ngjan Tajpeit.

Siç bëhet e ditur, studentët e dy brigjeve dëgjuan edhe leksionin mbi kushtetutën të profesorit të Universitetit të Drejtësisë të Kinës Jiao Hongchang, leksionin e profesorit Lian Xisheng për Ligjin Themelor të Rajonit të Posaçëm Administrativ, leksionin e profesorit He Bing për reformën e sistemit juridik të pjesës kontinentale. Kryetari i delegacionit të Tajvanit profesori Hong Jiayin tha se këto leksione u mirëpritën shumë nga studentët e dy brigjeve dhe kanë rëndësi të madhe. Studentët tajvanezë u shprehën se nëpërmjet këtyre leksioneve, ata mund të njohin funksionimin e sistemit juridik të pjesës kontinentale.

Krahas leksioneve, studentët tajvanezë vizituan edhe disa studio të avokatëve të Pekinit, Murin e Madh Kinez, Pallatin e Dimrit, Tempullin e Qiellit etj. Më 14 korrik, studentët e dy brigjeve morën pjesë në "Festivalin e 4000 studentëve të dy brigjeve" të zhvilluar në Pallatin e Asamblesë Kombëtare Popullore të Kinës. Veçanërisht pas vizitës në Universitetin Pekin, Universitetin Qinghua etj, shumë studentë tajvanezë shpresuan se do të vazhdojnë në pjesën kontinentale.

Studenti i Universitetit të Drejtësisë të Kinës Zang Dunjian tha: "Kjo është hera e parë e shkëmbimeve me përmasa të mëdha midis studentëve të dy brigjeve. Në të kaluarën, neve na mungonin njohuritë për njeri-tjetrin dhe ishim të mendimit se midis studentëve të dy brigjeve kishte dallime të mëdha. Por në fakt, ne zbuluam se kemi zakone dhe mendime të njejta."

Pas përfundimit të kampit veror, shumë studentë tajvanezë shprehën shpresën të vizitojnë edhe një herë pjesën kontinentale, ata shpresojnë të vizitojnë më shumë krahina të pjesës kontinentale. Zang Dunjian tha: "Ky është vetëm fillimi i shkëmbimeve tona. Jam i bindur se në të ardhmen, këto shkëmbime do të shtohen vazhdimisht." (Fani)